اسلام آباد۔ 25 فروری (اے پی پی) وزیراعظم نا خصوصی نمائندہ مذہبی ہم آہنگی و دے ٹک نیامی و پاکستان علماء کونسل نا چیئرمین حافظ محمد طاہر محمود اشرفی پارینے کہ پاکستان و سعودی عرب نا سنگتی بے مٹ ءِ، ہڑتوم آ ملک آتا نیام اٹ غٹ بشخ آتیٹی تعلقداری تیٹی پین گچینی بننگ ءِ۔ داہیتءِ او سعودی عرب نا پاکستان اٹ سفیر نواف سعید المالکی تون اوڑدہی آن …
پاکستان و سعودی عرب نا سنگتی بے مٹ ءِ، حافظ طاہر محمود اشرفی
گیشتریں ھال
اسلام آباد۔ 25 فروری (اے پی پی) وزیراعظم نا خصوصی نمائندہ مذہبی ہم آہنگی و دے ٹک نیامی و پاکستان علماء کونسل نا چیئرمین حافظ محمد طاہر محمود اشرفی پارینے کہ پاکستان و سعودی عرب نا سنگتی بے مٹ ءِ، ہڑتوم آ ملک آتا نیام اٹ غٹ بشخ آتیٹی تعلقداری تیٹی پین گچینی بننگ ءِ۔ داہیتءِ او سعودی عرب نا پاکستان اٹ سفیر نواف سعید المالکی تون اوڑدہی آن پد جاری بیان اٹی پارے۔ حافظ محمد طاہر محمود اشرفی پنچ شنبے نادے آ سعودی عرب نا پاکستان اٹ سفارتخانہ نا دورہ ءِ کرے و سعودی عرب نا سفیر نواف سعید المالکی تون اوڑدہی کرے و سعودی عرب نا ولی عہد امیر محمد بن سلمان نا آپریشن نا بصحت و عافیت پوروی آ است جمی نا درشانی ءِ کرے و اوڑکن وزیراعظم پاکستان، حکومت و الس نا کنڈآن زوت آن زوت جان جوڑی و عافیت کن دعا و نیک است خواہی نا درشانی ءِ کرے۔ داوخت آ سعودی عرب نا پاکستان اٹی سفیر نواف سعید المالکی پارے کہ سعودی عرب و پاکستان نا نیام اٹ اخوت و مہرومریبت نا رشتہ بھاز سوگو ءِ۔ سعودی عرب نا ولی عہد امیر محمد بن سلمان نا جان جوڑی و عافیت کن پاکستانی سرکڑدہ و قوم انا نیک جوزہ و دعا تیا منت واری ءِ ہرفے۔
