اسلام آباد۔ 25 فروری (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد سندھ اٹی غٹ آن زیات مرک ریکارڈ کننگا۔ مچ آ ملک اٹ 24 گھنٹہ ٹی کورونا دین آن 64 مرک مس ہرافتیان 25 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 361بندغ آتا کوویڈ۔ 19 ٹیسٹ مثبت بس و 64 بندغ دا دین آن زوال کریر ہرافتیان 58 بندغ ہسپتال آتیٹی وخت اس کہ 6 ناجوڑ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑآتا تناسب نا لحاظ اٹ ملتان اٹی 27 درسد، لاہوراٹی 36درسد، پشاور اٹ 19 درسد و اسلام آباد اٹی 35 درسد ناجوڑ وینٹی لیٹر آتیا ٹی ءُ۔ ہنداوڑاٹ ملک انا چار بھلا شارتیٹی آکیسجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹ 34 درسد، میرپور اٹ 23 درسد، گجرات اٹ 61 درسد و لاہور اٹ 26 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 40 ہزار 906 ٹیسٹ کننگا ہرافتیان سندھ اٹی 10 ہزار 918، پنجاب اٹی 16ہزار 2، خیبرپختونخوا ٹی 7 ہزار 51، اسلام آباد اٹی 5 ہزار 153، بلوچستان اٹی 579، گلگت بلتستان اٹی 361، آزاد کشمیر اٹ 842ٹیسٹ اوار ءُ۔ داتم اسکان مچ آ ملک اٹ کوویڈ۔ 19 آن دراخ جوڑ مروک آتا کچ 5 لکھ 39 ہزار 888 مسنے۔ بلوچستان، گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 230 ناجوڑ ءُ۔ مچ آ ملک اٹ کوویڈ۔ 19 نا ایکٹیو کیس آتا کچ 23 ہزار 281ءِ۔ مچ آ ملک اٹ کورونا دین آن زہمی بندغ آتا کچ 5 لکھ 75 ہزار 941ءِ ہرافتیان کشمیر اٹ 10ہزار 22، بلوچستان اٹ 19 ہزار 10، گلگت بلتستان اٹ 4 ہزار 955، اسلام آباد اٹی 43 ہزار 901، خیبرپختونخوا ٹی 71 ہزار 490، پنجاب اٹی 1 لکھ 69ہزار 474و سندھ اٹی 2 لکھ 57 ہزار 89ناجوڑ ءُ۔ مچ آ ملک اٹ کوویڈ۔ 19 آن زوال کروک آتا کچ 12 ہزار 772 ءِ ہرافتیان سندھ اٹی 4 ہزار 315 مرک وخت اس کہ تدوک آ بیست ءُ چار گھنٹہ ٹی 9 ناجوڑ ہسپتال آتیٹی وخت اس کہ 5 ناجوڑ اُراتیٹی قرنطینہ ٹی دا دین آن زوال کریر، پنجاب اٹی 5 ہزار 308 مرک وخت اس کہ 39 ناجوڑ زوال کریر۔ خیبرپختونخوا ٹی 2 ہزار 58 وخت اس کہ تدوک آ بیست ءُ چار گھنٹہ ٹی 8 ناجوڑ ہسپتال آتیٹی دا دین آن زوال کریر۔
