کولمبو۔ 24 فروری (اے پی پی) وزیراعظم عمران خان پاکستان و سری لنکا نا نیام اٹ واپار و زرکاری نا مون آ دننگ کن پاکستان نا کاروباری برادری نا سلاہ تا ستا ءِ کرسا پارے کہ حکومت پوریا گر و زرکار آتا آسراتی کن ہروڑنا گام گیج کیک۔ چارشنبے نادے آ وزیراعظم میڈیا آفس آن جاری بیان نارداٹ وزیراعظم تون کولمبو ٹی پاکستان سری لنکا واپاری و زرکاری کانفرنس …
حکومت پوریاگر و زرکارآتا آسراتی کن ہروڑنا گام گیج کیک، وزیراعظم عمران خان نا کولمبوٹی کاروباری برادری نا نمائندہ غاتون گپ وتران
گیشتریں ھال
کولمبو۔ 24 فروری (اے پی پی) وزیراعظم عمران خان پاکستان و سری لنکا نا نیام اٹ واپار و زرکاری نا مون آ دننگ کن پاکستان نا کاروباری برادری نا سلاہ تا ستا ءِ کرسا پارے کہ حکومت پوریا گر و زرکار آتا آسراتی کن ہروڑنا گام گیج کیک۔ چارشنبے نادے آ وزیراعظم میڈیا آفس آن جاری بیان نارداٹ وزیراعظم تون کولمبو ٹی پاکستان سری لنکا واپاری و زرکاری کانفرنس 2021ء ٹی بشخ ہلوک آ کاروباری برادری نا نمائندہ غاک اوڑدہی کریر و وزیراعظم نا سری لنکا نا دورہ و سری لنکا نا حکومت و کاروباری بشخ اتون تعمیری گپ وتران نا ستاءِکریر۔ پاکستان نا کاروباری برادری پارے کہ سری لنکا و پاکستان ہڑتوم آتا کاروباری تپہ غاک واپار وزرکاری نا بشخ اٹ وارخواہی تیان فائدہ ہرفنگ کن اواری اٹ کاریم کننگ کن پورو وڑاٹ تیار ءُ۔ داوخت آ کاروباری برادری پاکستان و سری لنکا نا نیام اٹ واپار و زرکاری ٹی ودکی کن چندی سلاہ تے تسر۔ وزیراعظم اوفتا سلاہ تا ستاءِکرے و باور کرفے کہ حکومت پوریاگر و زرکار آتا آسراتی کن غٹ ممکن گام گیج کیک۔
