اسلام آباد۔16مارچ( اے پی پی) گوادر ءَ مسافر کوچءُ ڈمپر ءِ ڈُھک ورگءِ نتیجگ ءَ 3مردم بیران ءُ 10ٹپیگ بوتگ اَنت۔ نجی ٹی وی ءِ تہا گشگ بوتگ کہ بلوچستانءِ دمگ تلار ءِ ھندءَ مسافر کوچ گوں ڈمپر ءَ ڈھک وارتگ کہ ایشی ءِ نتیجگءَ کوچ ءِ ڈرائیور ، کلینر ءَ ھوار 3مردم بیران ءُ 10ٹپیگ بوتگ اَنت۔ لیویزءَ گشتگ کہ گوادر ءِ دمگ مندءَ چہ کراچی ءَ رؤگءَ بوتگ۔ بیران بوتگیں مردمانی پجار ڈرائیور بدل خان ، کلینر اختر ءُ مسافر منصورءِ نام ءَ چہ بو تگ۔ ریسکیو حکام ءَ گشتگ کہ بیران بوتگیں مردمانی جون ءُ ٹپیاناں طبی کمک ءِ ھاترءَ ڈسٹرکٹ ءُ جی ڈی اے نادراھ جاھ گوادر ءَ سرکنگ بوتگ۔
