گوادر ۔ 16 مارچ (اے پی پی) سر وزیر بلوچستان نواب ثناءاللہ خان زہری ئَ گوشت کہ مزن وزیر محمد نواز شریف ئَ پاک چین اقتصادی راہداری منصوبگ ئِ واب ئَ را گواچن ئِ تہ ئَ مٹ کُت، بلوچستان ئِ اُلس راج دوست اَنت، دیمروئی ئِ ھلاپ کنوک پاکستان ئَ دیمروئی نہ لوٹ اَنت پمشکی دنتان دروش اَنت، گوادر ئِ ھوالگ ئَ زوت کانود جوڑ کناں، سی پیک ئَ چہ نہ ایوک ئَ بلوچستان ئِ بلکینگ ئَ پاکستان دیمروئی ئِ کشک ئَ راھ کپتگ۔ اے ھیالانی درشانی آئی ئَ پنچ شمبے ئِ روچ ئَ گوادر ئَ لس مچی ئِ دیم ئَ تران کنان ئَ کُت اَنت۔ مچی ئِ تہ ئَ مزن وزیر محمد نواز شریف، گورنر بلوچستان محمود خان اچکزئی، بُنجاھی وزیر جنرل (ر) عبدالقادر بلوچ، احسن اقبال، سعد رفیق، صوبائی وزیر ڈاکٹر حامد خان اچکزئی ئَ ھوار دگہ بازیں رھشون ھوار اتنت۔ سر وزیر بلوچستان ئَ گوشت کہ اُلس وطن دوست اَنت، گوادر ئَ تجارتی چست ئُُ ایر بندات بوتگ اَنت، مزن وزیر محمد نواز شریف ئِ ھلاپ کنوک نہ لوٹ اَنت کہ ملک دیمروئی ئِ کشک ئَ بہ جُنز ایت، سی پیک منصوبگ ئِ دُرستاں چہ گیشتریں نپ بلوچستان ئِ اُلس ئَ بیت، پیسریگیں محمد نواز شریف ئِ حکومت مہ پُرشت اِنت گڈا مرچی پاکستان ئِ اکس مٹ بوتگ اَت۔ بلے مرچی چار سال ءِ تہئَ مزن وزیر محمد نواز شریف ئَ پاکستان ئَ را پد دیمروئی کنوکیں ملک آنی رد ئَ ھوار کتگ۔ سر وزیر بلوچستان ئَ گوشت کہ مزن وزیر محمد نواز شریف ئَ ملک ئَ ناشرکاری ئِ ھلاسی ئَ پہ جوانیں کرد ئِ پیلو کنگ ئَ اِنت۔ ایشی ئِ برمش گندگ بوھگ ئَ اَنت۔ آئی ئَ گوشت کہ میا ں اوستمانی پڑ ئَ پاکستان ئَ را زرکاری تک ئَ جوانتر یں ملک گوشگ بوھگ ئَ اِنت، سی پیک منصوبگ ئِ سرجمی ئَ چہ توان ئِ لوڈشیڈنگ ھلاس بیت، سی پیک ئِ دُرستاں چہ گیش نپ بلوچستان ئِ اُلس ئِ بیت گوادر ئِ اُلس وشھال بنت، مُچی ئَ گوں ضلعی چیئرمین بابو گلاب ئَ گشتانک دات۔
