کوئٹہ۔ 15مارچ (اے پی پی) پاکستان پیپلزپارٹی بلوچستان نا صدر حاجی علی مدد جتک پارینے کہ بروک آگچین کاری تیٹی مچ آ ملک آنبار بلوچستان اٹی ہم پیپلزپارٹی گیشتری سیٹ آتے کٹک۔ بنجائی حکومت پاک اوغان بارڈر ئِ ملنگ کن گام گیج کے۔ چندی سیاسی جماعت آتیان مستفی مرسا کارندہ غاک پیپلزپارٹی ٹی شمولیت اختیار کننگ ئُ۔ داخیال آتا درشانی ئِ او چارشنبے نا دے کوئٹہ ٹی پریس کانفرنس آن تران کرساکرے۔ داوخت آ صوبائی جنرل سیکرٹری سید اقبال شاہ ، ملک عبدالحمید کاکڑ، ثناءاللہ جتک و ایلو راہشونک ساڑی ئسر۔ داوخت آ حیات خان اچکزئی و اونا رفقاءتحریک انصاف آن استیفہ ترسا پیپلزپارٹی ٹی اوار مننگ نا پڑو ئِ کریر۔ صوبائی صدر حاجی علی مدد جتک حیات خان اچکزئی و سنگت آتے پیپلزپارٹی ٹی اوار مننگ آ مبارکبادی ترسا پارے کہ بروک آ گچین کاری تیٹی مچ آ ملک آنبار بلوچستان اٹی ہم غٹ آن زیات سیٹ کٹک۔ اوپارے کہ کارندہ غاک اُرا اُراٹی پیپلزپارٹی نا کلہو ئِ سرکیر۔
