اسلام آباد۔ 15مارچ (اے پی پی) وزیر قومی جان جوڑی سائرہ افضل تارڑ نا پارت آ پاکستان نرسنگ کونسل نرسنگ اسکول وکالج آتیٹی داخلہ ہلوک آ طالب علم آتا پری رجسٹریشن ئِ آن لائن کرینے۔ فیصلہ نا رداٹ 500 آن زیات نرسنگ اسکول و کالج آتا طالب علم آتے ڈگری یا ڈپلومہ ملنگ آن مست اونا ریکارڈ ئِ محفوظ کننگک۔ صدر پاکستان نرسنگ کونسل رفعت جان دا گام ئِ انقلابی گوندسا پارینے کہ داڑآن اسکول و کالج آتے پاکستان نرسنگ کونسل نا کنڈآن جتا کروک آ سیٹ و کوٹہ بمطابق کورس آتے چیک کننگ اٹی ہم آسانی مریک و بوگس یا غیر رجسٹرڈ نرسنگ اسکول و کالج آتا بروخت قلع قمع ہم ممکن مننگ کیک۔ کورس آتے پورو کننگ آن پد نرسز پروفیشنلز ئِ رجسٹریشن کارڈ نا دوئی ٹی ہم آسانی مننگ کیک۔ دا چرجوئی ٹی پاکستان نرسنگ کونسل اسکول و کالج آتا پندار کروک خلقت نا مرحلہ وار تربیت نا چرجوئی نا بنائِ کرینے و بروک آمسہ یا چار تُو اسکان دا تربیتی چرجوئی پورو مریک۔
