اسلام آباد۔ 15مارچ(اے پی پی) قومی اسمبلی ئِ وزارت پٹرولیم و قدرتی وسیلہ نا کنڈآ ن پاننگانے کہ پاک ایران گیس پیپ لین ڈٹ انا کسر اٹی جہانی اقتصادی پابندیک ئُ، قطر آن معاہدہ غا گدرینگوک آ اسہ سال آن عملدرآمد مننگ ئِ۔ چارشنبے آ قومی اسمبلی ٹی وقفہ سوج آتیٹی پروین مسعود بھٹی ناضمنی سوج انا ورندی ٹی بنجائی وزیر پٹرولیم و قدرتی وسیلہ شاہد خاقان عباسی پارے کہ ایران آن پیپ لین جہانی پابندی تا سوب آن جوڑ مننگ کتو۔ قطر آن گیس انا معاہدہ گدرینگوک آ اسہ سال آن برجائِ۔ اوپارے کہ اُرائی صارف آتے کن لوڈشیڈنگ مفننگ ئِ ولے شار تیٹی ہرا جاگہ غاتیا سی این جی و ایلو کمرشل ادارہ غاک کاریم کننگ ئُ ہموڑے صارف آتے مشکلات آتا مون تروکی ئِ، کمپنی دا ویل آتے ہندی کہول آ ایسر کیک۔ اسہ پین ضمنی سوج اسے نا ورندی ٹی اوپارے کہ قطر آن ایل این جی 13.37 آﺅٹ برینٹ آ ایل این جی درآمد کننگ انگ ئِ دنیا ٹی غٹ آن کم نرخ انا معاہد ہ ئِ۔
