کراچی۔ 15مارچ (اے پی پی) صدر مملکت ممنون حسین چارشنبے نا دے خانہ مردم شماری نا باضابطہ بنائِ کرے۔ صدر مملکت اسٹیٹ گیسٹ ہاﺅس آ خانہ شماری نا نمبر ئِ تینٹ خلک و خانہ شماری ٹی اسٹیٹ گیسٹ ئِ نمبر 01الاٹ کننگا۔ داوخت آ صدر مملکت خانہ شماری نا عملہ ناسوج آتا ورندی ئِ ہم تس۔ صدر مملکت خانہ و مردم شماری نا چرجوئی ٹی قوم انا پن خصوصی کلہو اس ہم ریکارڈ کرفک۔ خانہ شماری نا بناءآن مست سیکرٹری شماریات، کمشنر کراچی و سینسس کمشنر کراچی صدر مملکت تون اوڑدہی کریر۔ صدر مملکت مردم شماری نا بارواٹی بست و بند آتیا است جمی نا درشانی ئِ کرے۔
