اسلام آباد۔ 15مارچ (اے پی پی) گورنر خیبر پختونخوا اقبال ظفر جھگڑا پارینے کہ فاٹا ٹی نیاڑی تا تعلیم نا مون آ دننگ کن ورلڈ فوڈ پروگرام (ڈبلیو ایف پی) نا کوشست آتا ستائِ کرینے۔ ریڈیو پاکستان نا رداٹ پشاور اٹی ورلڈ فوڈ پروگرام نا کنٹری ڈائریکٹر گورنر خیبر پختونخوا تون ہیت وگپ کرسا پارے کہ ورلڈ فوڈ پروگرام فاٹا ٹی نیاڑی تا تعلیم نا مون آ دننگ کن 2 سد کروڑ روپئی نا فنڈ جتا کرینے و دا فنڈ قبائلی علاقہ غاتیٹی نیاڑی تا جان جوڑی ، تعلیم و تکنیکی تعلیم تون اوار چندی بشخ آتے کن خڑچ کننگک۔ داوخت آ گورنر خیبر پختونخوا فاٹا ٹی نیاڑی تا تعلیم نا مون آ دننگ کن ورلڈ فوڈ پروگرام نا کنٹری ڈائریکٹر نا کوشست آتے خراج تحسین پیش کرے۔
