اسلام آباد۔ 15مارچ (اے پی پی) بلوچستان نا وزیر تعلیم عبدالرحیم زیارتوال نا پاننگ ئِ کہ تعلیم نا بشخ انا مون آ دننگ کن استاد آتا تقرر میرٹ نا بنداو آ کننگک۔ ریڈیو پاکستان نا رداٹ کوئٹہ ٹی چندی اسکول آتا پرنسپل آتیان تران کرسا اوپارے کہ حکومت مچ آ صوبہ ٹی تعلیم نا مون آ دننگ کن گام گیج کننگ ئِ و مستین نا مقابلہ ٹی صوبہ ٹی تعلیم نا آب ئِ گچین جوڑ کننگانے۔ اوپارے کہ تعلیمی بڑزکو معیارنا دوئی کن استاد آتا تقررمیرٹ نا بنداو آ کننگک و داڑکن استادآتے این ٹی ایس نا سسٹم آن گدرینگوئی مریک۔ اومستی پارے کہ حکومت تعلیم نا تخوک آ ہدف آتے دوئی کننگ کن بھلو بجٹ اس ہم جتا کرینے۔
