گوادر۔ 15مارچ (اے پی پی) وزیراعلیٰ نا پولیٹیکل سیکرٹری ملک ظاہر خان کاکڑ وزیراعظم محمد نواز شریف نا دورہ گوادر نا خیرمقدم ئِ کرسا پارینے کہ وزیراعظم پاکستان بلوچستان نا الس نا خیرخواہ ئِ ، گوادر تون اوار مچ آ صوبہ نا مر مر انگا علاقہ غاتیٹی بنجائی حکومت ناکمک آن میگاپروجیکٹ آتیا کاریم ترندی اٹ برجائِ ، گوادر نا شاریک وپاکستان مسلم لیگ (ن) کارندہ غاتیٹی وزیراعظم نا بننگ آ بھاز جوش و جوزہ خننگک و او تینا محبوب قائد نا گوادر آ بننگ نا بے تابی اٹ انتظار ئِ کننگ ئُ ، داہیت ئِ او چارشنبے نا دے ” اے پی پی“ تون ہیت وگپ کرسا پارے۔ ملک ظاہر خان کاکڑ پارے کہ ہروخت پاکستان مسلم لیگ (ن) و حکومت نا برخلاف منفی پروپیگنڈہ و الس ئِ سوز باغ نشان تروک آک دروغ انا سیاست دان آتا سیاست آن بلوچستان نا الس ئِ ہچ ئُ است خواہی اس اف و گوادر تون اوار مچ آ بلوچستان نا الس وزیراعظم محمد نواز شریف نا شونہال و شون ہلوک پاکستان نا تغ انا پوروی کن پاکستان مسلم لیگ(ن) نا بیرک نا کیرغ آن ساڑی ئُ۔

متعلقہ مضامینمصنف کی طرف سے مزید