گوادر۔ 15مارچ (اے پی پی) وزیر داخلہ بلوچستان میر سرفراز بگٹی پارینے کہ وزیراعظم محمد نواز شریف نا سروکی ٹی بلوچستان شونداری نا کسر آروان ئِ، وزیراعظم محمد نواز شریف نا دورہ گوادر نا دوررس نتیجہ دوئی مریک، پاک چائنا اقتصادی راہداری ڈٹ آن گوادر و بلوچستان نا اہمیت دوچند مسنے۔ داخیال آتا درشانی ئِ او چارشنبے نا دے ”اے پی پی“ تون ہیت وگپ کرسا پارے۔ صوبائی وزیر داخلہ بلوچستان میر سرفراز بگٹی پارے کہ گوادر و مچ آ صوبہ نا الس بنجائی حکومت نا کنڈآن بناءکروک آ ڈٹ آتے قدر انا نظراٹ ہرک و صوبہ ناویل سیاسی و عسکری سروک آتا گچین حکمت عملی و الس دوست پالیسی تا سوب الس نا ویل آتا ایسری ٹی پدریسہ کمتی بننگ ئِ اوپارے کہ نواب ثناءاللہ زہری نا سروکی ٹی اڈ ہلوک قائم مخلوط حکومت وزیراعظم محمدنواز شریف الس دوست پالیسی تا بھرم الس ئِ فائدہ ہرفنگ کن ئُ۔ پاکستان مسلم لیگ (ن)نا انقلابی منشور نا رداٹ پبی گام گیج کننگانے۔ وزیراعلیٰ بلوچستان نا دے و نن خواری نا سوب و سیکورٹی فورس آتا گام گیج نا سوب مستین نا مقابلہ ٹی امن و ایمنی نا حالیت آتیٹی نمان کمتی بننگ ئِ۔ صوبائی وزیر داخلہ مستی پارے کہ وزیراعظم محمد نواز شریف نا گوادر آ بننگ آ سیکورٹی نا سخت رکھی بست وبند کننگانے۔

متعلقہ مضامینمصنف کی طرف سے مزید