کراچی۔ 14 مارچ (اے پی پی)مزن وزیر محمد نواز شریف ءَ گوشت کہ کراچی ءِ براھداری مئے حکومت ءَ راھوار کتگ ءُُ کراچی آپریشن سرجمیں ایمنی ءَ تاں ھاس کنگ نہ بیت، کراچی ءَ بُچ ءُُ آکوٹ، آپ ءُُ ایندگہ جیڈھ آں گوں دیم پہ دیم اَنت، ما کوشست کنگ ءَ آں صوبائی ءُُ بلدیاتی حکومتی وتی وتی زمہ واری آں سرجم بکن اَنت، اگاں لاہور یا ایندگہ شہر دیمروئی کُت کناں گڈا کرا چی پرچہ اِناں، کراچی سرکلر ریلوے ءَ را سی پیک ءِ بھر جوڑ کتگ، کراچی ءَ چہ لاہور ءَ تاں موٹروے ءِ سر ءَ کار کنگ بندات بوتگ، گرین لائن منصوبگ ھمے سال ءَ سرجم کنگ بیت، 2018ءِ الیکشن ءَ پاکستان مسلم لیگ (ن) کراچی ءَ ھوار سرجمیں سندھ ءَ بھر زور ایت ، باسک پارٹی ءَ را مھکم کنگ ءُُ تنظیم ءَ را سندھ ءِ تہ ءَ مھکم کنگ ءِ ھاترا تنظیم ساچی ءِ سر ءَ دلگوشی بکن اَنت، اے ھیالانی درشانی آئی ءَ سے شمبے ءِ روچءَ گورنر گس پاکستان مسلم لیگ (ن) ءِ اُگدگ دار آنی گوما تران کنان ءَ کُتگ۔باسک سندھ ءَ پارٹی ءَ را مھکم کنگ ءِ ھاترا تنظیم جوڑ کنگ ءِ سر ءَ دلگوشی بکن اَنت۔ اے ھیالانی درشانی آئی ءَ سئے شمبےءِ روچ ءَ گورنر گس ءَ پاکستان مسلم لیگ (ن) سندھ ءِ کارندہ ءَ گوں گشتانک دیان ءَ کُت اَنت۔ مزن وزیر محمد نوازشریف ءَ گوشت کہ 2013 ءَ وھد ءِ ما حکومت ءِ سیٹ ءِ سر ءَ نشتگ ءَ آں گڈا کراچی ءَ جاور سک باز نہ گیگ بوتگ اَنت۔ ما توامیں سیاسی گل انی گوما شور ءَ چہ کراچی ءِ توک ءَ بیم کار ءُُ ناشرکار آنی ھلاپ ءَ آپریشن ءِ بندات کتگ، اے وھد ءَ کرا چی ءَ ایمنی ءِ جاور ھال ھراب بوتگ اَنت ءُُ ناشرکاری سک باز بوتگ اَنت۔ مزن وزیرءَ گوشت کہ ما چار سال ءِ اند ر ءَ شہر ءِ تہ ءَ ایمنی تالان کتگ، مروچی کراچی ءَ دگ ایمن ءُُ سارت اَنت، کاروباری جاھ آنی روشنائی برجاھ بوتگ اَنت، کاروباری مردم آنی رکھینگ سرجمی ءَ کنگ بوھگ ءَ اِنت مات وتی چُک آناں دربرجاھ آں روان دینت، اے دُرست پاکستان مسلم لیگ (ن) ءِ کامیاتی اِنت، اے کریڈٹ پاکستان مسلم لیگ (ن) ءِ حکومت ءَ را روت ءُُ کراچی ءِ اُلس ءِ نیمگ ءَ چہ اے شاباشی مارا دیگ لوٹیت۔
