اسلام آباد۔ 14 مارچ (اے پی پی) صدر مملکت ممنون حسین ءَ گوشت کہ پاک چین اقتصادی راہداری منصوبگ ءَ چہ نیامی ایشیائی ملک آنی نیام ءَ گوں باز ملک ءَ نزیکی گیش بنت ءُُ اے منصوبگ ءَ چہ گوادر ءِ دکہ ءَ تاں کرغستان ءَ لُکوکیں نزیکی رسیت۔ آئی ءَ اے گپ کرغزجمہوریہ ءِ سپریم کونسل ءِ چیئرمین چینی بائی ترسن بے کوف ءِ سروکی ءَ ڈل ءِ ایوان ءِ صدر ءَ سئے شمبے ءَ گپ ءُ تران کنان ءَ کُت اَنت۔ اے موہ ءِ سر ءَ سپیکلر قومی اسمبلی ایاز صادق، ممبر قومی اسمبلی عبدالحمید خان، کرگزستان پارلیمنٹ ءِ اپوزیشن لیڈر ءُُ باسک ءُُ کرغزستان ءَ پاکستان ءَ سفیر بیشیم بیوایرک ادرکینوویک ھم ساڑی اَتنت۔ صدر مملکت ءَ گوشت کہ پاکستان، کرغزستان، چین، قزاخستان ءِ نیام ءَ منوگری آں نزیکی آنا نوکیں رنگ ءِ داتگ، ایشی ءَ چہ تجارتی ءُُ اقتصادی کمک آنی تہ ءَ گیشی کئیت۔ صدر مملکت ءَ گوشت کہ پاکستان ءُُ کرغزستان ءِ نیام ءَ تجارت دوئیں ملک آنی اِزمکاری ءَ چہ کم اَنت ءُُ ایشرا گیش ودینگ ءِ ھاترا کوشست کنگ ءِ ضلورت اَنت۔
