اسلام آباد۔ 14مارچ (اے پی پی) بنجائی وزیر دفاعی پیداوار رانا تنویر حسین پارینے کہ مردم شماری نا بنداو آ پین وخت اس ملکی وسیلہ غاتے بشخ وپانٹ کننگک وخت اس کہ صوبہ غاتے این ایف سی ایوارڈ ہم دانا رداٹ تننگک۔ حسین حقانی نا بیان نا مذمت ءِ کیوہ۔ سے شنبے نا دے پارلیمنٹ ہاؤس نا پیشن میڈیا تون ہیت وگپ کرسا اوپارے کہ مردم شماری آئین نا رداٹ دہ سال پد بایدے مرے ولے مستین اٹی داوڑ متو۔ مردم شماری نا بنداو آ شونداری نا ڈٹ بندی کننگک و ملکی وسیلہ غاتے بشخ وپانٹ کننگک ہراعلاقہ غاتیٹی آبادی زیات ءِ ہموڑے شونداری فنڈ زیات جتا کننگک وخت اس کہ صوبہ غاتے دامردم شماری نا رداٹ این ایف سی ایوارڈ پین وخت اس تننگک۔ بنجائی وزیر پارے کہ حسین حقانی نا بیان ءِ اہمیت بایدے تفننگے۔ اوپارے کہ پاکستان نا بابت حسین حقانی نا بیان نا مذمت ءِ کیوہ او مریکہ اٹی پاکستان نا سفیر مس اوبایدے دن انگا بیان تیان پاناد کے۔
