اسلام آباد۔1فروری (اے پی پی):اسپیکر راجی اسمبلی اسدر قیصر ءَ گوشت کہ راجی اسمبلی سیکرٹریٹ ء، توامیں مزدگر اے کانود جوڑ کنوکیں ادارگ ءِ ارزشتیں بن پد انت، آ جوانیں محنت ءُ کار ءَ چہ اے ادارگ ءِ واستہ ازمت کنگ ءَ انت۔ آئی ءَ گوشت کہ دوران ءِ سروس پروموشن ءُ مزدگر آنی دلبڈی ءِ ازمکاری ءَ را گیش ودینگ ءِ واستہ المی انت۔ اے ھیالانی درشانی آئی ءَ دو شمبے ءَ پارلیمنٹ گس ءَ راجی اسمبلی ءِ سیکرٹریٹ ءِ مزدگر آنی پروموشن ءُ اپ گریڈیشن ءِ آرڈر آنی رد ءَ برجم داشتگیں دیوان ءِ سروکی ءَ کنان ءَ کت۔ اسیکر اسد قیصر ءَ گوشت کہ وھد ءِ آ سیٹ ءِ سر ءَ نشتگ گڈا سما ءِ کتگ کہ راجی اسمبلی ءِ اپسرگ ءُ کارندہ پانزدھ سال یا ایشی ءَ گیش وھد ءَ چہ یکیں گریڈ ءَ وتی فرض آں پیلو کنگ ءَ اتنت۔ آئی ءَ گوشت کہ پروموشن ءَ چہ مزدگر گیش الکاپ ءُ جوانتری ءَ کار ءُ ڈیوٹی دینت۔ ایشی ءَ آوانی دلبڈی بیت۔ اے مراگش ءَ سیکرٹری راجی اسمبلی طاہر حسین، کانود جوڑ کنوک ءُ کانودی کار آنی ھوالگ ءَ اسپیکر ءِ مشیر لطیف یوسف زئی، ایڈیشنل سیکرٹری (ایڈمن) چوہدری مبارک علی، اسپیکر ءِ سیکرٹری شہر یار خان ءُ سیکرٹریٹ ءِ ایندگر کلانہ ایں اپسرگ آں ھم شرکت کت۔
