اسلام آباد۔1فروری (اے پی پی): حکومت ءَ بنجاہی حکومت ءِ سے حاسیں ماڑی آناں پہ اُلسی پائدگ ءِ ھاترءَ کارمرز کنگ ءِ بازیں سر ءُ سوج مزن وزیر ءَ را دیم دیئگ ءِ فیصلہ کنگ بوتگ تنکہ ارباں کلدار ءَ چہ جوڑ بوتگیں اے ماڑی ملک ءُ راج ءَ را پائدگ دات بہ کن اَنت، اے فیصلہ دوشمبے ءِ روچءَ وزاتی کمیٹی ءِ دیوان ءَ کنگ بوتگ، ایشی ءِ سروکی شیخ رشید احمد ءَ کتگ ، دیوان ءَ بنجاہی وزیر حزانگ ءِ وزیر عبدالحفیظ شیخ، مزن وزیر ءِ صلہ کار بابر اعوان، وانگ ءُ زانگ ءِ وزیر شفقت محمود ، بنی آدم ءِ حقانی بنجاہی وزیر شیری مزاری، تئی کارانی سیکرٹری ، کابینہ ڈویژن ءِ سیکرٹری ءُ سی ڈی اے ءِ چیئرمین ہوار ہوار بوتگ اَنت۔
