کوئٹہ۔ 14مارچ (اے پی پی) کوئٹہ ڈبل روڈ آ ریک آن پُر ٹرک اسہ ہند اسے تون ڈوک لگنگ اٹی 7 بندغ تپاخت وخت اس کہ اِرا بندغ ٹھپی مسر، پولیس نا رداٹ دوشنبے و سے شنبے نا نیامی نن کوئٹہ نا مین شاہراہ ڈبل روڈ آ ریک آن پُر ڈمپر ٹرک ہنداسے تون ڈوک لگا ہراٹی گل شیر، فیض محمد، ضیاءالرحمان ، روبینہ، نادیہ ، صابرہ و زرینہ موقع غا ہی تپاخت کریر وخت اس کہ اِرابندغ ٹھپی مسر ، شکست نا سوب ہند انا چھت تما و اُرانا رہینگوک آک کیرغ مسر، واقعہ آن پد پولیس وریسکیو ٹیمک واقعہ نا جاگہ غا سرمرسا لاش و ٹھپی تے سول ہسپتا ل آ گدریفیر ہراڑے ٹھپی تے طبی امداد تننگ انگ ئِ، دا وخت آ وزیراعلیٰ بلوچستان نواب ثناءاللہ خان زہری، صوبائی اسمبلی نا باسک میر جان محمد جمالی، محمد خان لہڑی ، غلام دستگیر بادینی نہادی جان تیا است ہسونی نا درشانی ئِ کریر و وزیراعلیٰ ٹھپی تے گچین طبی امداد نا پارت کریر۔
