اسلام آباد۔ 14مارچ (اے پی پی) لاہور اٹی نادرست کار سوارآتا سم کاری ٹی 3پولیس کارندہ بھاز ٹھپی مسر۔ نجی ٹی وی چینل نا رداٹ لاہور اٹی تھانہ غازی آباد سی آئی اے ٹی تعینات پولیس کارندہ غاک لیڈی ویلنگڈن ہسپتال نا خڑک اسہ شکبر کار اسے توننگ نا اشارہ کریر ہراڑآ کارسوارآک کارندہ غاتیا سم کاری کریر ہراٹی مسہ کارندہ بھاز ٹھپی مسر۔ پولیس نا رداٹ ٹھپی تے میوہسپتال آ گدریفنگانے۔ ٹھپی تیان 2نا حالیت نازرک پاننگک۔ سم کاری آن پد کارسوار دوبہ دارآک نرار۔ پولیس نا بھلو نفری اس میوہسپتال و سم کاری نا جاگہ غا سرمسر۔ واقعہ نا جاست وپاست کن اِرا ٹیم جوڑ کننگانے۔
