اسلام آباد۔ 14مارچ (اے پی پی) وزارت ڈٹ بندی و شونداری کیڈ ڈویژن نا شونداری ڈٹ آتے کن 2 ارب 19 کروڑ 27 لکھ روپئی آن زیات نا فنڈ جاری کرینے۔ حکومت اینخو مالی سال کیڈ ڈویژن نا شونداری پروگرام تے کن 3 ارب 56کروڑ 22لکھ روپئی آن زیات نا فنڈ جتا کرینے۔ حکومت نا کنڈآن جاری کروک حساب وکتاب نارداٹ اسلام آباد اٹی 200 اسکول آتا تزئین و آرائش کن اسہ ارب، اسلام آباد اٹی سمارٹ اسکول آتا اڈتننگ کن 14کروڑ، ایف الیون ون اٹی ہوم اکنامکس کالج کن 14 کروڑ 70لکھ و اسلام آباد اٹی فیملی سوٹس نا جوڑ جاڑ کن 50 کروڑ تون اوار چندی شونداری ڈٹ آتے کن فنڈ جاری کرینے۔
