وزیراعظم محمد نواز شریف
اسلام آباد۔ 14مارچ (اے پی پی) وزیراعظم محمد نواز شریف پارینے کہ حضور پاک حضرت محمد ؑ تون مابت و عقیدت ہر مسلمان نا غٹ آن نہادی سرمایہ ئِ۔ دا ننا دین نا اساس ئِ، حضور ؑ نا شان اٹی ہروڑناگستاخی ناقابل معافی ئِ۔ دا چرجوئی ٹی ہرکہول آ ڈیوالائی ئِ سگنگ پننگک۔ وزیر داخلہ دمدستی وڑاٹ گستاخانہ مواد آتا بندش نا بابت غٹ المی گام گیج کے و دانا زموار آتے بلاتاخیر اوفتے اوفتا کروک نا سزا تننگے۔ سے شنبے نا دے وزیراعظم آفس نا پریس ونگ نا کنڈآن جاری بیان نا رداٹ وزیراعظم پارے کہ دا حقیقت ئِ بایدے گیرام کپن کہ حضرت محمد ؑ مچ آ انسانیت نا خیر خواہ ئِ ۔ ناموس رسالت ؑ نا بارواٹی مسلمان نا شدید حساسیت نا بایدے شرف ئِ کننگے۔ وزیراعظم پارے کہ سوشل میڈیا آ گستاخانہ مواد امت مسلمہ نا جوزہ غاتون گوازی کننگ نا ناپاک کوشست اسے۔ اوپارے کہ دا مواد آتے اسہ پلو کننگ و اوفتا کسر ئِ توننگ کن دمدستی وڑاٹ گچین گام گیج کننگے۔ غٹ تعلقدار ادارہ غاک داوڑنا مواد تالان کروک آتا پٹ و پول ئِ کننگ و اوفتے کانود نا رداٹ سخت سزاترفنگ کن متحرک مریر۔ دا ہیت ئِ ہم المی جوڑ کننگے کہ ناموس رسالت ؑ نا کانود ئِ جندی مسخت کن کاریم اٹ اتوک آتا ہم کڑامحاسبہ ئِ کننگے۔ وزیراعظم پارے کہ سوشل میڈیا نا جہانی ادارہ غاتون ہم رجوع کرسا گستاخانہ مواد آتابندش نا ہر وڑکوشست ئِ کننگے و دا چرجوئی ٹی دفترخارجہ گچین کڑد ادا کے۔ وزیراعظم پارے کہ دا معاملہ عدالت اٹی زیر سماعت ئِ۔ دا چرجوئی ٹی عدالتی گائیڈ لائن نا رداٹ غٹ المی گام گیج کننگے۔ وزیراعظم وزیر داخلہ چوہدری نثارعلی خان ئِ پارت کرے کہ او دمدستی وڑاٹ گستاخانہ مواد آتا بندش نا بابت غٹ المی گام گیج کے و دانازموار آتے بلاتاخیر اوفتے اوفتا کروک نا سزا تننگے۔ و دا بے کچ قابل مذمت گام انا پورو بیخ کنی ئِ کے۔ وزیراعظم پارے کہ دا چرجوئی ٹی اودے ہردے نا بنداو آ گام گیج آتیان معلومدار کننگے۔

متعلقہ مضامینمصنف کی طرف سے مزید