اسلام آباد۔ 14مارچ (اے پی پی) وزیراعظم محمدنواز شریف پارینے کہ پاکستان و یمن نا نیام اٹ پت ، سنگتی و کمکاری آن عبارت خصوصی تعلقداریک استوار ئُ۔ اوداہیت ئِ یمن نا نائب وزیراعظم و وزیر خارجہ عبدالمالک عبدالجلیل المخلافی تون سے شنبے نا دے اوڑدہی ٹی ہیت و گپ کرسا پارے۔ وزیراعظم مارچ 2015ءٹی یمن آن ہزار آ پاکستانی شاری تا سرسہب کشنگ اٹی کمک و کمکاری آ یمن نا منت واری ئِ ادا کرے۔ وزیراعظم یمن نا مصیبت زدہ بندغ آتے کن انسانی ہمدردی نا بناءآ 10لکھ ڈالر دمدستی امداد نا ہم پڑو کرے و برادر ملک یمن اٹی امن نا زوت بحالی نا خواہش نا درشانی ئِ کرے۔ نائب وزیراعظم یمن کن پاکستان نا کمکاری آ وزیراعظم نا منت واری ئِ ادا کرے۔
