اسلام آباد۔ 13مارچ (اے پی پی) صدر مملکت ممنون حسین پارینے کہ مسلم ملک آتے تین پہ تینی اختلاف آتیان بچسا شوندار ی وسوگوی کن بایدے اواری اٹ کاریم کیر۔ او داہیت ءِ دوشنبے نا دے ایوان صدر اٹی یمن نا نائب وزیراعظم و وزیر خارجہ عبدالمالک عبدالجلیل المخلافی تون اوڑدہی ٹی پارے۔ اوڑدہی ٹی پاکستانی وزارت خارجہ نا قائم مقام سیکرٹری محمد وحید الحسن و یمن نا سفیر محمد طاہر الشعبی آن بیدس بڑزکو کمامدارآک ساڑی ئسر۔ صدر مملکت پارے کہ جنگ آن یمن ءِ بھاز نسخان رسینگانے۔ اواومیت ظاہر کرے کہ حالیت آتیٹی زوت گچینی ودی مریک۔ صدر مملکت پارے کہ پاکستان یمن نا شونداری و سوگوی ٹی تینا بشخ ءِ شاغنگ خوائک و خواہندار ءِ کہ یمن اٹی زوت امن مسکہ کہ ہموجاگہ نا خلقت جنگی کیفیت آن پیش تمنگ کے۔ اوپارے کہ پاکستان یمن نا صدر منصور ہادی نا امن کن کروک آ کوشست آتے قدر انا نظر اٹ ہرک و منصور ہادی ءِ یمن نا روا حکمران سمجھک و اودے پاکستان نا مخ تفی دوئی سلک و ڈیہہ ٹی امن و شونداری کن پاکستان یمن نا کانودی حکومت تون تفسا کائک۔ داوخت آ صدر مملکت جنگ اٹی پاکستانی تا پدی اتنگ کن یمنی حکومت نا کوشست آتا ستاءِ کرے۔
