اسلام آباد۔13 مارچ(اے پی پی) مزن وزیر ئِ مشیرپہ درئی کار سرتاج عزیز ئَ گوشت کہ پاکستن مسلم اُمہ ئِ گوما یکجائی ئُُ یکوئی ئَ را دیمروئی دیگ ئِ واستہ سفارتی گامگیج آنی کمک ئَ کنت، پاکستان توامیں مسلمانیں ملک آنی گوما دوستی ئُُ تپاکی ئِ سر ئَ یکیم دار ایت، ھمے جوزگ ئِ رد ئَ توامیں مسلمانیں ملک آنی گوما کمک ئُُ ھمبراھداری ئِ واھگ سہرا کتگ۔ دو شمبے ئَ قومی اسمبلی ئِ دیوان ئَ جُست آنی اوشت ئِ تہ ئَ سرتاج عزیز ئَ گوشت کہ پاکستان ئِ مزن وزیر ئَ سعودی عرب ئُُ ایران ئِ تر ئُُ تاب ھمے وھد ئَ کُت وھدیکہ ایران ئَ سعودی سفارتی مشن آنی سر ئَ اُرش ئِ سبب ئَ سعودی عرب ئَ ایران ئِ گوما وتی سفارتی یکوئی مھتل داشتگ اَتنت۔ پاکستان ئِ دوئیں مسلمانیں ملک آنی نیام ئَ کشاں چیل ئَ را ھلاس کنگ جھد ئِ توسیپ ایران ئُُ سعودی عرب ئِ گوما میاں اوستمانی برات آں ھم کتگ۔
