اسلام آباد۔ 13 مارچ (اے پی پی) صدر مملکت ممنون حسین ئَ گوشت کہ مسلم ملک آناں وت مہ وت ھلاپ بوھگ ئِ مٹ ئَ دیمروئی ئُُ برجائی ئِ ھاترا یکجا بوھگ ئُُ کار کنگ لوٹیت۔ آئی ئَ اے گپ دو شمبے ئِ روچ ئَ ایوان ئِ صدر ئَ یمن ئِ نائب مزن وزیر ئُُ وزیر ئِ ھارجہ عبدالمالک عبدالجلیل المخلافی ئَ گوںگند ئُُ نند ئِ ساھت ئَ کُت اَنت۔گند ئُُ نند ئِ تہئَ پاکستانی وزارت ئِ ھارجہ ئِ ادارکی سیکرٹری محمد وحید الحسن ئُُ یمن ئِ سفیر محمد موطاہر الشعبی ئَ ابید ٹوھیں کارندہ آں ھوار اَتنت۔ صدر ئِ مملکت ئَ گوشت کہ جنگ ئَ چہ یمن ئَ را سک باز تاوان رستگ۔ آئی ئَ اُمیت سہرا کُت کہ جاوور ھال زوت جاوانتر بنت۔ صدر ئِ مملکت ئَ گوشت کہ پاکستان ئُُ یمن ئِ دیمروئی ئُُ برجائی ئِ تہ ئَ وتی دست ئَ مان کنگ لوٹاں ئُُ واھشت اِنت کہ یمن ئَ زوت ایمنی برجا بہ بیت تانکہ لس مردم جنگی ھالت ئَ چہ در بہ کپ اَنت۔ آئی ئَ گوشت کہ پاکستانی یمن ئِ صدر منصور ہادی ئِ ایمنی ئِ ھاترا کتگیں جہد ئُُ کوشست آناں ساڑاآں ئُُ منصور ہادی ئَ را یمن ئِ جائزیں حکمران لیک آں ئُُ آئی ئَ را پاکستان ئِ کمک گون بیت ئُُ پڑ ئَ ایمنی ئُُ دیمروئی ئِ ھاترا پاکستان یمن ئِ کاودی حکومت ئِ ھمبراھ دار ی ئَ کنت۔
