اسلام آباد۔13مارچ ( اے پی پی) خیبر ایجنسی ءِ دمگ جانی خیل باڑہ ءَ جنک آنی وانگ جاھ ءِ نزیک ءَ تراکے بوتگ کہ ایشی ءَ چہ وانگ جاھءِ ماڑی ءَ را تاوان رسیتگ۔ نجی ٹی وی چینل ءَ پولیٹیکل انتظامیہ ءِ ھوالگ ءَ چہ ھال داتگ کہ خیبر ایجنسی ءِ دمگ جانی خیل باڑہ ءَ ناشناسیں بیم کاراں جنک آنی وانگ جاھ ءِ نزیک ءَ تراک کتگ کہ ایشی ءَ چہ ماڑی تاوان رسیت بلے تاں انگت جانی تاوان ءِ ھال سر نہ رسیتگ۔ تراک ءَ پد کانود ایر کنوکیں ادارگ ءِ اہلکار آں دمگءَ را چپ ءُ چاگرد کتگ، کمکی ٹیم ءُ بم ڈسپوزل سکواڈ ءَ را لوٹگ بوتگ کہ آھاں سبوت جم کتگ اَنت ءُ پٹءُ پول ءُ جُستءُ پُرس بندات کتگ۔
