اسلام آباد۔ 13مارچ (اے پی پی) اسپیکر قومی اسمبلی سردار ایاز صادق نیاڑی باسک پارلیمنٹ نا پارلیمانی کڑد ئِ زبردست وڑاٹ خراج تحسین پیش کرسا پارینے کہ پائیدار شونداری نا مسخت کن جہانی عزم ننے یات ترفک کہ جان جوڑو تعلیم یافتہ قوم اکن جہالت تون مقابلہ کننگ نا کسر نیاڑی تا راہشونی و نیاڑی تا مرکزیت نا حامل پالیسی آن پیش تمک، پاکستانی پارلیمنٹ ئِ دا اعزاز دوئی ئِ کہ مچ آ دنیا ٹی اولیکو پارلیمنٹ ئِ ہرا ایس ڈی جیز آ اولیکو پارلیمانی سیکرٹریٹ اس اڈ ترسا پارلیمانی حکمت عملی نا تینا ویژن اٹی جہانی شونداری نا ایجنڈائِ اوار کرینے۔ دوشنبے نا دے داڑے ہندی ہوٹل اٹی انٹرنیشنل وویمن پارلیمانی کانفرنس نا بنائی دیوان آن تران کرسا اوپارے کہ وویمن پارلیمانی کانفرنس نا کنڈآن اڈ ہلوک آ انٹرنیشنل وویمن پارلیمنٹری کانفرنس نا بنائی دیوان اٹی شرکت بے کچ باعث مسرت ئِ اوپارے کہ کنے دا خوشی مس کہ ایشیائ، افریقہ، یورپ و آسٹریلیا نا براعظم آتا 16ملک آتا مندوبین نیاڑیک دا کانفرنس اٹی ساڑی ئُ۔ شرفمند آ مہمان تا اسلام آباد اٹی ساڑی گری باوقار امن و اواری اٹ شونداری کننگ نا اسیجائی خواہش نا عکاسی ئِ کیک۔ اوپارے کہ ایوان اٹی کناآزموندہ پارے کہ اگہ نیاڑی باسک پارلیمان کانود سازی نا عمل اٹی سرگرمی نا درشانی ئِ کیرہ تو ایوان الس نا شونہالی و خاص کر انسانی شونداری آ تینا چکار ئِ تخک۔ نیاڑی تا وزارت آتا کارکڑد ہم ستاءکڑزک۔ اسپیکرپارے کہ پائیدار شونداری نا مسخت کن بین القوامی عزم ننے یات ترفک کہ جان جوڑ و تعلیم یافتہ قوم اکن جہالت تون مقابلہ کننگ نا کسر نیاڑی تا راہشونی و نیاڑی تا مرکزیت نا حامل پالیسی آن پیش تمک۔ اوپارے کہ پاکستانی پارلیمنٹ ئِ دا اعزازدوئی ئِ کہ او مچ آ دنیا ٹی اولیکو پارلیمنٹ ہرا ایس ڈی جیز آ اولیکو پارلیمانی سیکرٹریٹ اس اڈ ترسا پارلیمانی حکمت عملی نا تینا ویژن اٹی جہانی شونداری نا ایجنڈا ئِ اوار کرینے۔
