اسلام آباد۔ 12 جنوری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ ہراقومک تینا ہیروتے یات تخرہ و اوفتا فکر ءِ مون آ دیرہ ہموفک حقیقت اٹ اختہ مروک آ تپہ غاتا ویل آتے ایسر کرسا شونداری نا ہدف آتے دوئی کیرہ، احمد فراز پاکستان نا میرات ئس، ہرا تینا شاعری نا کمک اٹ اختہ مروک آ تپہ غاتا ترجمانی ءِ کرے۔ پاکستان نا الس احمد فراز ءِ ہرا مہرومریبت ءِ تسر اوفتادرور ملیپک۔ او دوشنبے نادے آ ایچ ایٹ قبرستان اٹی تینا باوہ سید احمد شاہ(احمد فراز) نا ودی دے آ فاتحہ خوانی آن پد میڈیا تون گپ و تران کریکہ۔ اونا خاہوت نا بندغ آک ہم اوڑتون اوار ئسر۔ بنجائی وزیر حوالکاری سینیٹر شبلی فراز پارے کہ احمد فراز پاکستان نا میرات ئس۔ اومدام اختہ مروک آ تپہ غاتا ترجمانی ءِ کرسا اوفتا ویل آتے تینا شاعری نا کمک اٹ تالان کرے۔ اوپارے کہ احمد فراز ءِ پاکستان نا الس ہرا مہرومریبت ءِتس اوفتا درور ملیپک۔ اوپارے کہ وخت بسنے کہ نن تینا غٹ بھلا شاعر تا فکر ءِ مون آ دین و اوفتا کلہو ءِ بروک آ چین تسکان سرکین۔ داکان مست بنجائی وزیر ایچ ایٹ قبرستان اٹ احمد فراز نا قبر آ حاضری تس و پھل آتا چادر اس شاغا۔ احمد فراز 12 جنوری 1931ء آ کوہاٹ اٹی ودی مسوسس۔ اونا خذمت آتا اعتراف آ اودے حکومت پاکستان نا کنڈآن ہلال امتیاز، ستارہ امتیاز و نگار ایوارڈ اٹ تننگا۔ احمد فراز اردو شاعری نا اہم ءُ بشخ اسے، او یکتا لب و لہجہ نا رومانوی شاعر اس ئس۔ اونا شاعری نا اولیکو مجموعہ ’’تنہا تنہا‘‘ ئس۔ احمد فراز 25 اگست 2008 ء آ 77 سال انا وئی ٹی کزیت کرے۔ احمد فراز نا قبر انا کتبہ غا اونا تینا شعر نوشتہ ءِ ہراکہ
میں کہ صحرائے محبت کا مسافر تھا فراز‘‘
ایک جھونکا تھا کہ خوشبو کے سفر پر نکلا‘‘۔
