اسلام آباد۔ 13مارچ (اے پی پی) بلوچستان حکومت صوبہ ٹی تعلیم نا مون آ دننگ کن 725پرائمری اسکول و کوئٹہ ٹی سائنس اینڈ ٹیکنالوجی یونیورسٹی اس جوڑ جاڑ کیک۔ ریڈیو پاکستان نا رداٹ بلوچستان حکومت صوبہ ٹی تعلیم نا بشخ انا شونداری کن ٹھوس گام گیج کننگ ئِ۔ صوبائی محکمہ تعلیم نا اسہ کارندہ اسے نا پاننگ ئِ کہ حکومت ساڑی بجٹ اٹی تعلیم نا مون آ دننگ کن 29 ارب روپئی نا فنڈ جتا کرینے۔ دا پیسہ غاک تعلیمی ادارہ و اسکول آتا اپ گریڈیشن آ خڑچ کننگرہ۔ اوپارے کہ کوئٹہ ٹی سائنس و ٹیکنالوجی یونیورسٹی نا کیمپ آتے کن ڈغارنا ہلنگ کن 4 سد کروڑ روپئی نا زر جتا کننگانے وخت اس کہ مچ آ صوبہ ٹی 725پرائمری اسکول ورلڈ بینک انا شریداری آن مسہ سال اٹی جوڑ جاڑ کننگک۔
