اسلام آباد۔ 10 جنوری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ مستین نا حکومت آک فراوانی و بشخنگ آ چکار کتوس ہنداسوب آن مچ آ ملک اٹی اناگت بجلی نا نظام زہمی مس، داوڑاٹ ہوکاکروک فیکٹریک ہیت وگپ آتے تالان کننگ اٹ اہم ءُ کڑد اس ادا کریر۔ او یک شنبےنا دے آ بنجائی وزیر توانائی عمرایوب تون اوار ملک اٹی بجلی نا بندش نا بابت اسیجائی پریس کانفرنس آن تران کریکہ۔ بنجائی وزیر سینیٹر شبلی فراز پارے کہ بجلی نا فراوانی ٹی تعطل ودی مس داٹی ہم بھاز انگا چہ میگوئیک ودی مسر۔ اوپارے کہ بجلی نا بشخ ملک اٹ تمبہ نا حیثیت تخک، مستین نا حکومت جنریشن آ چکار کرے و ترسیل و تقسیم نا نظام بے چکاری نا گواچی مسر و نئے ترسیل نا نظام اٹ پوسکن آ ٹیکنالوجی ءِ درستی راستی کرفنگا۔ اوپارے کہ بجلی نا پیدواری لائخی 36 ہزار میگاواٹ آن زیات ءِ ولے ترسیل نا نظام داڑتون مطابقت تخک۔ اوپارے کہ نظام نا اپ گریڈیشن مفننگ نا سوب آن تکنیکی ویل مون تروک ءِ۔ بنجائی وزیر سینیٹر شبلی فراز پارے کہ مٹیاری نا لائن زوت پورو مننگ کن ءِ وخت اس کہ ترسیل نا نظام ءِ گچین کننگ انگ ءِ۔ داوخت آ بنجائی وزیر توانائی عمر ایوب خان پارے کہ تدوک آ نن گدو ٹی انجینئرنگ فالٹ انا سوب آن شٹ ڈاؤن مس۔ اسٹ آن پد ایلو پاورپلانٹ آک بند مسر، دا تیکنیکی ءُ ویل اسے، پورو جاست وپاست نا پرمان کرینن۔ پٹنگ ءُ کہ ویل ہراڑے مس، اسلام آباد، راولپنڈی، لاہور، ملتان تون اوار کیہی شار تیٹی بجلی بحال مسنے، پین منہ گھنٹہ ٹی مچ آ ملک اٹی حالیت آک گچین مریرہ۔ مسکوہی دور اٹی ہم داوڑنا 8 واقعہ مس، نن سسٹم ءِ گچین کرینن۔ یک شنبے نادے آ پریس انفارمیشن ڈیپارٹمنٹ اٹ بنجائی وزیر حوالکاری شبلی فراز تون اوار پریس کانفرنس آن تران کرسا اوپارے کہ تدوک آ نن 11 بجہ ءُ 41 منٹ آ گدو پاورپلانٹ اٹ فالٹ بس ہراڑآن اسہ سکینڈ نا تہہ ٹی فریکونسی ڈراپ مرسا زیرو آ بسنے اسٹ آن پد ایلو سیفٹی سسٹم تینے شٹ ڈاؤن کننگ نا بناءِ کریر دا باالکل ہمووڑ ءِ ہراوڑ اُراٹی اوورلوڈ مننگ آ فیوز ہُشنگک۔ 10302میگاواٹ آ جاگہ ہراڑے پاور پلانٹ چلینگاکہ بشمول منگلا، تربیلا و ونڈپاور پلانٹ سسٹم آن آؤٹ مسر۔ اوپارے کہ شٹ ڈاؤن آن دمدستی پد ای و غٹ زموار آک نیشنل پاور کنٹرول سینٹر آ سرمسن۔ وزیر حوالکاری ہم حالیت آتے مانیٹر کرسا کرے۔ قوم ءِ دمدستی پت اٹ ہلکن داہم پارین کہ ہراہرا شار اٹ بجلی اخہ ہُرے اٹی بحال مریک۔ تربیلا ءِ اِراوار سٹارٹ کرین او سنک مس۔ داوخت آ اسلام آباد، راولپنڈی لاہور و ایب وکیب،فیصل آباد شار انا نیمہ بشخ، جھنگ، میانوالی،ملتان اٹی بھلو حد اسکان بجلی بحال مسنے۔ کراچی الیکٹرک ءِ 400 میگاواٹ نا سپلائی مسنے۔ سسٹم ءِ پدی آن لائن بننگ اٹ منہ گھنٹہ پین لگک۔ اوفتا سوب آتا بارواٹ فی الحال حتمی وڑاٹ ہچ پاننگ مفک۔ گدو نا ایب وکیب گوتلو نا سوب ہچ ءُ خننگتوکہ۔ 500کے وی نا لائن تا جاچ ءِ ہلنگ انگ ءِ و پٹنگ ءُ کہ فالٹ ہراڑے بس؟ اوپارے کہ ننا حکومت بننگ تون 49 ارب روپئی ٹرانسمیشن نا گچینی کن خلک۔ داڑآن چار ءُ نیم ہزار میگاواٹ نا گچینی بس۔ مسکوہی حکومت اٹی 18 ساڑھے 18 ہزار میگاواٹ اسکان نا گنجائشت ئس نن تدوک آ باسنی تیٹی اودے 23ءُ نیم ہزار میگاواٹ اسکان درینن۔ اِرا یخ گدرینگار نن اینٹی فوگ انسولیٹرڈسکس خلکن۔ لائن ٹیننس نا کاریم ءِ کرین۔ جاست وپاست پورو مننگ اسکان پاننگ کپنہ کہ فالٹ ہراڑے بس، گدو نا پاور پلانٹ نا تہہ ٹی، یارڈ انا تہہ ٹی یا پیشن ہراڑے ویل مس داسکان سمااف۔ لاہور آن مٹیاری لائن مارچ اپریل اسکان پورو مریک داڑآن 4 ہزار میگاواٹ نالائن آپریشنل مریک۔ 1.6 ارب ڈالر نا خڑچ آن دالائن ءِ پورو کننگ انگ ءِ۔ داڑتون نن ای کنڈکٹنگ کننگ اُن۔ داڑآن سسٹم ریڈیڈننسی نا آسراتی دوئی مریک۔
