اسلام آباد۔ 10 جنوری (اے پی پی) بنجائی وزیر داخلہ شیخ رشید احمد پارینے کہ عمران خان ملک انا زرگزران و سیاست ءِ سہی کیک ملک ءِ مون آ دیک۔ الس احتساب کن پی ٹی آئی ءِ وونٹ تس، مریم نواز مسلم لیگ ن ءِ داحال اسکان سرکرے، او مُرہرارہ تو داحال متوکہ، مچ آپاکستان پاک فوج تون تفوک ءِ، بھارت تینا ایجنٹ وسرمایہ نا کمک اٹ پاکستان ءِ نسخان تننگ خواہک۔ پاکستان نا برخلاف سازش آک بے سہب مریرہ۔ داخیال آتا درشانی ءِ او فریڈم ہاؤس اٹی السی مچی آن تران کرسا کرے، وزیر داخلہ پارے کہ عمران خان پاکستان ءِ مون آ دیک، عمران خان پاکستان نا زرگزران ءِ سہی کیک، پاکستان ناسیاست ءِ سہی کیک، اوپارے کہ احتساب نا پن آ مخلوق تحریک انصاف ءِ وونٹ تسنے، دُز داڑیل آتون مفاہمت نا جاگہ غا کانود نا رداٹ اوفتے تون مون تننگک۔ پی ڈی ایم ناتحریک دم تننگ ءِ، ای مہالو پاریسٹ دا نئے استیفہ ایترہ نئے گچین کاری تیان بائیکاٹ کیرہ۔ اوپارے کہ مسلم لیگ نون ءِ داحال اسکان سرکننگ اٹ مریم نواز نا دُو ءِ، او سیاسی مُر ہراکہتو داحالیت متوکہ،اوپارے کہ پیپلزپارٹی ناپنجاب اٹی عمل دخل اس اف۔ عمران خان ناجہد ءِ دنیا نا تاریخ اٹ یات تخنگک، اوپارے کہ عالم دین و ایم ڈبلیوایم بھاز تدبر نا شاہدی ءِ تسنو، اپوزیشن دادھرنہ ءِ غلط کاریم اٹ ایسکہ،ہزارہ قبیلہ مُر ہُننگ ناشاہدی ءِ تسر و ملک ءِ ویل آتیان بچفیر۔ اوپارے کہ پاک فوج دنیا نا عظیم فوج ءِ، ننا فوج بھاز قربانی تسنے، پاک فوج دُز وداڑیل آتیکن جان تفننگ ءِ، دا پاکستان و اسلام کن جان تننگ ءِ۔ اوپارے کہ مچ آ پاکستان پاک فوج اتون تفوک ءِ، اگہ اپوزیشن اٹ ہمت ارے تو داپنڈی نا کنڈآ بریر، ہندوستان تینا زر و ایجنٹ آتا کمک اٹ پاکستان ءِ نسخان تننگ خواہک، غٹ سازش آک بے سہب مریرہ و پاکستان دا سازش آتیان پیش تمسا مون آ کاہک۔
