گورنر پنجاب نا چیف ٹریفک آفیسر آفس اٹی واٹر فلٹریشن پلانٹ نا بنائی دود آن تران و میڈیا تون ہیت وگپ

فیصل آباد۔ 10 جنوری (اے پی پی) گورنر پنجاب چوہدری محمد سرور پارینے کہ مچ آ ملک اٹی ہفتہ و یک شنبے نا نیامی نن آن یک شنبے ناسہب اسکان مروک آ بجلی نا بھلا بریک ڈاؤن است ہسونی نا سوب ءِ ولے امریکہ تون اوار ایلو شون ہلوک ملک آتیٹی ہم وخت وخت اس اناگت فنی خرابی نا سوب داوڑنا واقعہ پیش بریک ولے دا چرجوئی ٹی بڑزکو کہولی فیکٹ فائنڈنگ کمیٹی اس ٹہیفنگانے ہرانا رپورٹ ءِ مون آ تخسا غٹ ممکن گام گیج کننگے و حکومت و واپڈا نا حتی الامکان کوشست مریک کہ پین وخت اس داوڑنا بریک ڈاؤن مف وخت اس کہ سینیٹ گچین کاری ٹی شوآف ہینڈ نا بابت سپریم کورٹ آف پاکستان نا فیصلہ غا من و عن عمل کینہ ولے اپوزیشن داپاپ کہ عمران خان استیفہ ایتے وخت اس کہ اگہ اپوزیشن ضمنی گچین کاری تیٹی یکجا گچین کاری تیٹی بشخ ہلنگ خواہک تو دا ستاکڑزوک ءُ ہیت اسے۔ داکان بیدس پنجاب آب اتھارٹی ءِ بیوروکریسی نا اڑاند آتا سوب آن فعال کننگ اٹ اسہ سال اس لگا ولے داسہ اتھارٹی نا رداٹ اولیکو پروجیکٹ چک جھمرہ فیصل آباد اٹ خلنگ اُن۔ یک شنبے نادے چیف ٹریفک آفیسر آفس نزد سول لائنز پولیس اسٹیشن فیصل آباد اٹی سرور فاؤنڈیشن نا کنڈآن لکھ آ روپئی نا خڑچ آن خلوک آ واٹر فلٹریشن پلانٹ نا بنائی دود آن تران و میڈیا تون گپ وتران اٹی اوپارے کہ او سال 2013 ٹی گورنر پنجاب مننگ آن پد شاری تے زڑدوئی و ایلو ہلوک آ مرض آتیان بچفنگ کن اوفتے کنوئی آ صاف دیر انا فراوانی نا مہم نا بناءِ کریسس و دارداٹ سرور فاؤنڈیشن نا کنڈآن چندی ہند آتیا واٹر فلٹریشن پلانٹ آتا خلنگ نا عمل نا بناءِ کریسس و اودے خوشی ءِ کہ اونا کوشست آتیان سرور فاؤنڈیشن ہڑدے بیست لکھ مخلوق ءِ ساف دیر فراوان کننگ ءِ و دا چرجوئی پین ترند رفتاری اٹ برجاءِ وآخبت ہم برجاسلک۔