اسلام آباد تون اوار پنجاب نا میدانی علاقہ، بڑزکو سندھ اٹی گوتلو، بڑزکو خیبرپختونخوا، قطبی بلوچستان، گلگت بلتستان، کشمیر اٹی موسم بھاز یخ مننگ ناگمان

اسلام آباد۔ 10 جنوری (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار پنجاب نا میدانی علاقہ و بڑزکو سندھ اٹی گوتلو و بڑزکوخیبرپختونخوا، قطبی بلوچستان، گلگت بلتستان و کشمیر اٹی موسم یخ وخت اس کہ ملک انا ایلو علاقہ غاتیٹی موسم یخ و پِرکپننگ نا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و پِرکپک وخت اس کہ قطبی بلوچستان و بڑزکو علاقہ غاتیٹی بھاز یخ مس وخت اس کہ بڑزکو خیبرپختونخوا و کشمیر اٹی گڑاس ہند آتیا پِرمس۔ غٹ آن زیات پِر کشمیر مظفرآباد8،م گڑھی دوپٹہ6،م راولاکوٹ4، و خیبرپختونخوا بالاکوٹ اٹی 6 ملی میٹر ریکارڈ کننگا۔ رپورٹ نا رداٹ کم آن کم درجہ حرارت ، لہہ منفی 14، زیارت، قلات منفی 11،کوئٹہ منفی 9، کالام منفی 8، دالبندین، پاراچنار، ہنزہ منفی 7، مالم جبہ منفی 6، نوکنڈی، پنجگور و ژوب اٹی منفی 4 ڈگری سینٹی گریڈ ریکارڈ کننگا۔