اسلام آباد۔9جنوری (اے پی پی):کوئٹہ ءَ مچھ ءَ شہید بوتگیں مردم آنی گس ءِ مردم آنی ڈھ ءُ شور ءَ را ھلاس کنگ ءُ شہید آناں کبر ءُ کسارت کنگ ءِ جار جنگ بوتگ۔ سر وزیر بلوچستان جام کمال خان ءَ جاک کنوکیں کمیٹی ءِ گوما سول ءُ تران کت ایش کامیات بوت انتت، جاک کنوک آں گوشت کہ آوانی توامیں لوٹ آناں منگ بوتگ ءُ وت مہ وت تپاکی ءِ گوما اے تپاک نامہ نبشتہ رنگ ءَ نکش کنگ بوتگ انت۔ سر وزیر بلوچستان جام کمال خان (آدینگ ءِ روچ ءَ ) یک رند ءِ پد ءَ جاک کنوک آنی گوما سول ءُ تران ءِ واستہ مغربی بائی پاس ءَ سر بوت، بنجاھی وزیر علی زیدی ءُ ڈپٹی سپیکر راجی اسمبلی قاسم سوری ھم آئی ءِ ھمبراھی ءَ ھوار ات۔ جاک کنوک آنی انتظامیہ ءَ بنجاجی وزیر ءُ سر وزیر بلوچستان ءِ گوما سول ءُ تران ءَ چہ پد میڈیا ءَ گوں تران کنان ءَ گوشت کہ وت مہ وت تپاک کنگ ءُ پیسلہ کنگ بوتگ، آواں گوشت مہ مئے توامیں لوٹ آناں منگ بوتگ۔ آواں گوشت کہ بنجاھی وزیر ءُ ھندی حکومت ءِ منت وار آں، سول ءُ تران ءَ بوھوکں توامیں جیڈھ آنی سر ءَ نوٹیفیکیشن ھم جاڑی کنگ بوتگ، شہید آناں کبر ءُ کسارت مرچی شمبے ءِ روچ ءَ کنگ بیت۔ یات دارگ بہ بیت کہ مچھ ءِ دمگ ءَ 3 جنوری ءَ سلاھ بندیں ناشرکار آں 10 اشکر ءِ چات ءَ کار کنوکیں مزور آناں کوشت ءُ گار کتگ ات، توامیں مرتگیں مردم آنی سیادی گوں ہزارہ کمیونٹی ءَ گوں است انت۔ واکیہ ءَ چہ پد ہزارہ برات آں میت آنی ھمبراھی ءَ کوئٹہ ءِ مغربی بائی پاس ءِ سر ءَ جاک ءُ کوکار کتگ ات۔
