اسلام آباد۔9جنوری (اے پی پی): بنجاھی وزیر توکی کار شیخ رشید احمد ءَ پرائیوٹ سیکرٹری ظفر اقبال ءِ بیرانی ءِ پد ءَ ڈکھ ءُ اپسوزی ءِ درشان کتگ، ظفر اقبال گجرات ءِ نندوک ات ءُ گوستگیں روچ ءَ واش روم ءَ آئی ڈیڈ باڈی بزاں جون دست کپتگ ات۔ وزارت ءِ توکی کار ءِ ھال در ءِ رد ءَ آوانی گس ءِ مردم آنی اھوال کنگ ءِ پد ءَ پولیس موبائیل لوکیٹر ءِ وسیلگ ءَ آئی ءَ را شوہاز کنگ بوتگ انت، پولیس ءُ وزارت ءِ توکی کار ءِ انتظامیہ ءَ ڈیڈ باڈی ہسپتال ءَ روان داتگ، سیکرٹری وزارت ءِ توکی کار ءِ پنت ءُ شون ءِ پد ءَ ھدا مرزی ءَ را کبر ءُ کسارت کنگ ءِ واستہ آئی جون آئی ھندی دمگ گجرات ءَ روان دیگ ءِ انتظامی کنگ بوتگ۔ بنجاھی وزیر توکی کار ءَ ھدامرزی ءِ آکبت پہ ھیریءِ واستہ دعا ءِ نیک کت ءُ آئی ھاندان ءَ را ھمک رنگیں کمک پجاری کنگ ءِ حکم جاڑی کتگ۔
