اسلام آباد۔ 13مارچ (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام تیٹی کابینہ ڈویژن نا شونداری ڈٹ آتے کن جم وڑاٹ داوخت اسکان 30 کروڑ 72لکھ روپئی آن زیات فنڈ جاری کننگا۔ حکومت کابینہ ڈویژن نا شونداری پروگرام تے کن 36کروڑ 93لکھ روپئی جتا کرینے۔ پلاننگ کمیشن نا جاری کروک حساب وکتاب نا رداٹ حکومت 6ایوی ایشن اسکواڈ ن کن 4 کروڑ 54لکھ، 6 ایوی ایشن سکوارڈن اسلام آباد نا اپ گریڈیشن کن 22کروڑ 24لکھ، نیشنل آرکائیوز آف پاکستان کن اسہ کروڑ 18 لکھ روپئی آن زیات نا فنڈجاری کننگانے۔
