اسلام آباد۔9جنوری (اے پی پی):نیشنل کمانڈ اینڈ آپریشن سینٹر ءِ گوشگ انت کہ گوستگیں 24 کلاک آنی ساھت ءَ کورونا وائرس ءِ سبب ءَ پنجاپ ءَ درستاں چہ گیش بیرانی ریکاٹ کنگ بوتگ ایشی ءَ چہ پد گیشتریں بیرانی سندھ ءَ بوتگ انت۔ سرجمیں ملک ءَ گوستگیں 24 کلاک آنی ساھت ءَ کورونا وائرس ءَ چہ 40 مردم بیران بوتگ انت، ایشانی تہ ءَ 16 مردم وینٹیلیٹرز ءِ سر ءَ مریز بوتگ انت۔ نیشنل کمانڈ اینڈ آپریشن سنٹر ءِ نیمگ ءَ جاڑی بوتگیں ھساب ءُ داد آنی رد ءَ گوستگیں 24 کلاک آنی ساھت ءَ سرجمیں ملک ءَ 2 ہزار 7 مردم کویڈ-19 ھوپ ءِ ٹیسٹ پازیٹیو بوتگ ءُ 40 مردم اے وائرس ءَ چہ بیران بوتگ انت۔ ایشانی تہ ءَ 33 مردم ہسپتال ءَ وھدیکہ 7 مردم گس آنی تہ ءَ قرنطینہ ءِ ساھت ءَ بیران بوتگ انت، ملک ءَ 4 ٹوھیں شہر آنی تہ ءَ وینٹیلیٹرز آنی سر ءَ کوویڈ-19 ءِ مریض آنی رد ءَ ملتان ءَ 44 درسد، اسلام آباد ءَ 40 درسد، لاہور ءَ 33 درسد ءُ بہالپور ءَ 45 درسد مریز انت۔ ھمے رنگ ءَ ملک ءِ چار ٹوھیں شہر آںی تہ ءَ آکسیجن ءِ آسراتی والائیں نپاد آنی سر ءَ کورونا ءِ پازیٹیو مریز آنی کساس پشاور ءَ 54 درسد، ملتان ءَ 36 درسد، کراچی ءَ 35 درسد ءُ اسلام آباد ءَ 29 درسد مریز انت۔
