اسلام آباد۔7جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ میڈیا، آرٹ ، سپورٹس ءُ کلچر ءَ ھوار ھمک شوبگ ءَ ھیل کاری سک باز ارزشتی انت، وزارت ءِ اھوالاکری ءُ شنگ کاری ، میڈیا ، پروڈکشن آرڈ ءُ کلچر ءِ دیرموئی ءِ واستہ نوکیں آیوک آناں یل شلیءَ ھیل کاری پجاری ءِ واستہ جوانیں موہ پجاری کنگ ءِ واستہ جزمیگ انت، اکیڈمی آف ایکسیلنس ءَ را آئر لینڈ آف ایکسیلنس جوڑ کنگ ءِ وستہ توامیں ازمکاری ءُ آسراتی آناں کارمردم کنگ بیت۔ آ شمبے ءِ روچ ءَ ریڈیو پاکستان اکیڈمی ءَ اکیڈمی آف ایکسیلنس ءِ بنگیجی مراگش ءَ گوں گشتانک دیان ءَ کت۔ بنجاھی سیکرٹری اھوالکاری ءُ شنگ کاری زاہدہ پروین، ایڈیشنل سیکرٹری شاہیرہ شاہد، ڈی جی ریڈیو پاکستان عبرین جان، پی آئی او سہیل علی خان ءَ ابید جتا جتائیں یونیورسٹی آنی شوبعہ میڈیا سائنسز ءِ سروک آنی مزنیں کساس ءِ مراگش ءَ شریک ات۔ بنجاھی وزیر اھوالکاری ءُ شنگ کاری سینیٹر شبلی فراز ء۔ گوشت کہ اکیڈمی آف ایکسیلنس ءِ آئیڈیا خواجہ نجم الحسن ءَ آورتگ بوتگ ایشرا مرچی پکوئیں رنگ دیگ بوتگ، میڈیا ءُ پروڈکشن ءِ شوبگ ءَ آیوکیں نوکیں ٹیلنٹ ءَ را اے پلیٹ فارم ءِ سر ءَ وتی ازمکاری آناں گہتریں رنگ ءَ سہرا کنگ ءَ کمک رسیت۔ اے رنگیں کار آنی تہ ءَ وھد ءِ کمٹمنٹ، ڈائریکشن ءُ ویژن وت مہ وت بہ مل انت گڈا ایشانی در جنگ آسان بیت۔ آئی ءَ گوشت کہ ملک ءَ میڈیا، آرٹ ءُ پروڈکشن ءِ سر ءُ سوجی ادارگ سک باز کم انت ایشی ءِ سبب ءَ اے شوبگ ءَ ھیل کاریں مردم آنی کمیگ سما بوھگ ءَ انت بلے اے نوکیں ادارگ ءِ جوڑیشت ءَ چہ پد ادا ھیل کاری در جنگ ءِ واستہ بازیں نوکیں لکا ءُ کامیاتیں کسو ٹی وی، ریڈیو ءُ مٰڈیا ءِ سکرین آنی سر ءَ گندگ بنت۔ آئی ءَ گوشت کہ اکیڈمی اٖ ایکسیلنس ءَ ھیل کاری کنوک آناں پی ٹی وی ءُ ریڈیو پاکستان ءَ چہ سیت در جت کناں آوانی کرا جدیدیں سامان ءُ تجروبتیں مردم است انت۔ اکیڈمی آف ایکسیلنس ءِ سروک خواجہ نجم الحسن ءَ اکیڈمی ءِ جوڑیشت ءِ مول ءُ مراد، فیکلٹی ممبر ءُ پجاری کتگیں کورسز آنی ھوالگ ءَ شریکیں مردم آناں سرپد کت۔
