اسلام آباد۔ 08 جنوری (اے پی پی) وزیراعظم عمران خان اسہ وار ولدا دسمبر اٹی ریکارڈ زررادہ کننگ آ سمندر پار پاکستانی تا منت واری ءِ ہرفسا پارینے کہ ملک اٹی اولیکو وار پدریسہ 6 تُو اٹی زررادہ کننگ نا ماہانہ کچ 2 ارب ڈالر آن زیات مسنے۔ جمعہ نادے آاسہ ٹویٹ اسے ٹی اوپارے کہ دسمبر اٹی 2 ارب 40 کروڑ ڈالرنا ریکارڈ زررادہ کننگ آ سمندرپار پاکستانی تا منت واری ءِ ہرفک،ملک اٹی اولیکو وار پدریسہ 6 تُو اٹی زررادہ کننگ نا ماہانہ کچ 2 ارب ڈالر آن زیات مسنے و اینخو مالی سال انا 6 تُو اٹی جم زررادہ کننگ نا کچ 14 ارب 20 کروڑ ڈالر ءِ ہراکہ تدوک آ مالی سال انا ہنداوخت انا مقابلہ ٹی 24.9 درسد زیات ءِ۔
