اسلام آباد۔ 08 جنوری (اے پی پی) صدر مملکت ڈاکٹر عارف علوی تون پاکستان اٹ کیوبا نا سفیر گیبریل ٹیل کیپوٹے جمعہ نادے آ داڑے سپاروکی اوڑدہی کرے۔ ایوان صدر نا میڈیا ونگ انا رداٹ صدر عارف علوی داوخت آ پارے کہ پاکستان کیوبا تون تعلقداری تے خاص اہمیت ایتک و تین پہ تینی فائدہ کن واپار، زرگزران، جان جوڑی و دودوربیدہ نا بشخ آتیٹی ہڑتوم آ کنڈآتا کمکاری …
صدر مملکت ڈاکٹر عارف علوی تون کیوبا نا پاکستان اٹی سفیر گیبریل ٹیل کیپوٹے نا سپاروکی اوڑدہی
گیشتریں ھال
اسلام آباد۔ 08 جنوری (اے پی پی) صدر مملکت ڈاکٹر عارف علوی تون پاکستان اٹ کیوبا نا سفیر گیبریل ٹیل کیپوٹے جمعہ نادے آ داڑے سپاروکی اوڑدہی کرے۔ ایوان صدر نا میڈیا ونگ انا رداٹ صدر عارف علوی داوخت آ پارے کہ پاکستان کیوبا تون تعلقداری تے خاص اہمیت ایتک و تین پہ تینی فائدہ کن واپار، زرگزران، جان جوڑی و دودوربیدہ نا بشخ آتیٹی ہڑتوم آ کنڈآتا کمکاری ءِ پین مون آ دننگ خواہک، صدر مملکت پارے کہ پاکستان 2005ء نا زمی جمب آن پد طبی ٹیم و پاکستانی میڈیکل طالب علم آتے وظیفہ تننگ نا چرجوئی ٹی کیوبا نا کمکاری نا ستاءِ کیک۔ اوپارے کہ ہڑتوم آ ملک آتا نیام اٹ واپار و زرکاری ءِ ودفنگ کن بشخ آتا پیدواری ءِ کننگ نا گرج ءِ۔ صدر مملکت ہڑتوم آ ملک آتا نیام اٹ دودوربیدہ وپارلیمانی ہن و بر نا گرج آ ہم زور شاغا و دا اومیت نا درشانی ءِ کرے کہ دزکش مروک آ سفیر پاکستان و کیوبا نا نیام اٹ تعلقداری تے مون آ دننگ کن کاریم کرسا کیک۔
