راولپنڈی۔ 08 جنوری (اے پی پی) پاک فوج انا سروک جنرل قمر جاوید باجوہ سرکاری دورہ غا بحرین آ سرمس، بحرین نا ولی عہد، ڈپٹی سپریم کمانڈر و وزیراعظم شہزادہ سلمان بن حماد تون اوڑدہی کرے،جنرل قمرجاوید باجوہ ءِ بحرین نا ایوارڈ ’بحرین آرڈر‘ تننگا۔ پاک فوج انا شعبہ تعلقات عامہ (آئی ایس پی آر) نا رداٹ آرمی چیف جنرل قمر جاوید باجوہ بحرین نا دورہ ٹی فیلڈمارشل شیخ خلیفہ بن احمد الخلیفہ و بحرین نا سلہہ بند فوج انا سروک لیفٹیننٹ جنرل شیخ محمد بن عیسیٰ الخلیفہ تون ہم اوڑدہی کرے۔ اوڑدہی تیٹی تین پہ تینی است خواہی نا امور و ہڑتوم آ کنڈآتا سیکورٹی و دفاعی باندات آ گپ وتران کننگا۔ بحرینی سرکڑدہ غاک پاکستان تون خصوصی تعلقداری تے پین گچین کننگ نا عزم انا درشانی ءِ کریر۔ بحرین نا ولی عہد شہزادہ سلمان بن حماد آرمی چیف جنرل قمر جاوید باجوہ ءِ بحرین نا ایوارڈ’بحرین آرڈر‘‘ ہم تس۔ بحرین نا دا ایوارڈ پاک بحرین دفاعی کمکاری ٹی نمان خذمت آتیا تننگا۔ جنرل قمرجاوید باجوہ پاک بحرین فوجی مشق البدر نا ہم مشاہدہ ءِ کرے و پاک بحرین مشق آتیٹی تربیت نا آب انا ستاءِ کرے۔ پاک بحرین مشترکہ فوجی مشق آک دہشت گردی نا برخلاف عزم انا شاہدی ءُ۔

متعلقہ مضامینمصنف کی طرف سے مزید