اسلام آباد۔ 08 جنوری (اے پی پی) وزیر مملکت پارلیمانی امور علی محمد خان پارینے کہ نن پکڑ دھکڑ کتون، پکڑ دھکڑ کروک آک ہموفک ئسر ہرافک دلائی کیمپ جوڑ کریر و چیف جسٹس اسکان ءِ زاندان اٹ شاغنگ نا ہیت کریر۔ ماڈل ٹاؤن اٹ انتس کہ مس اوفتے دِیر اس کرے۔ وزیراعظم نا داتم اسکان کوئٹہ غا ہِنپننگ نا سوب اس تو مروئے ولے او کوئٹہ غا ضرور کاہک۔ فوج ءِ ہدف تنقید کننگپ، اپوزیشن نا اسٹیج آن بلوچستان ءِ آجو کننگ نا ہیت مس، اینو پاک فوج انا برخلاف ہیت کیرہ۔ بنوں ٹی مولانا نا جلسہ مس تو پار نن دیر ءِ دزگیر کرین۔ جمعہ نادے آ ایوان بالا ٹی اپوزیشن نا تحریک آ شرہ ءِ چٹفسا وزیر مملکت علی محمد خان پارے کہ اپوزیشن ءِ تنقید و ہیت کننگ نا حق دوئی ءِ، اینو کریک ڈاؤن کننگ نا ہیت کننگ ءُ، کریک ڈاؤن ضرور مسنے ولے نیب کرینے کرپشن کروک آتا برخلاف، سیاسی کارندہ غاتے ہلنگتو، ہراڑے ننے آن ردینک اس مسنے اودے مننہ، وزیراعظم کابینہ ٹی پارے کہ جلسہ کننگ کن ہلنگے، نن پکڑ دھکڑ کتون، مستین پکڑ دھکڑ کروک آتے دلائی کیمپ آ دریرہ۔ چیف جسٹس ءِ زندان اٹ شاغنگ نا ہیت آتے کریرہ۔ وزیراعلیٰ خیبرپختونخوا و اونا کابینہ تون انتس کننگا۔ نن آنسو گیس خستون، گولی چلیفتون۔ ماڈل ٹاؤن اٹ انتس کہ مس اوفتے دیر کرے۔ مچھ اٹی انتس کہ مس اوفتے بیگانہ غاک کریر۔ وزیراعظم کوئٹہ غا کاہک، سوب اس مریک کہ اوداسکان اِنتنے۔ ہراتم اپوزیشن اخلاص اٹ ہیت کیک تواوفتے بِننگک ہنداخاطرآن کست اٹ ہیت کپس۔ ننے سلیکٹڈ پارہ ہراکان تینٹ گچین مسنو انت اوڑے سلیکٹڈ افس۔ سیاسی عسکری عدم توازن آ ہیت کیر ولے فوج ءِ ہدف تنقید کپس۔ اپوزیشن نا اسٹیج آن بلوچستان ءِ آجو کننگ نا ہیت آک مریرہ، داتینا باءِ توپسہ، پیشن نا مخلوق ءِ سمااف کہ نواز شریف نروک ءِ، او داہیت ءِ مسکوہی وزیراعظم نا ہیت سمجھرہ۔ اپوزیشن فوج و اونا سرکڑدہ غاتا برخلاف ہیت کیک۔ ففتھ جنریشن وار اٹ دشمن خار تالان کننگ و تقسیم ودی کننگ نا کوشست کیک۔ وزیراعظم 22 سال سیاسی جہد آن پد بسنے۔ اپوزیشن شرف خواہک تو شرف تروئی مریک، ہراتم پاکستان جوڑ مسکہ تو کنا پیرہ قائد اعظم تون اوار ئس، مولانا عطاء الرحمان نا بزرگ آک اوکان پد منار، خان آف قلات پارے کہ خواجہ کریم صلی اللہ علیہ و آلہ وسلم اونا تغ اٹ برسا جناح تون تفنگ نا پرمان کرے۔ سیاسی کارندہ غاتیا کریک ڈاؤن نا ننا ہچ ءُ پالیسی اس اف، بنوں ٹی مولانا نا جلسہ مس، پار دیر ءِ دزگیر کننگا۔ اوفک لاہوری و کراچی ٹی اردو پاروک آتے کرینگ تسر، الس اوفتے مسترد کرینے۔ سینیٹ نا دیوانءِ دوشنبے نا پیشیم نا سہ بجہ اسکان ملتوی کننگا۔ ایجنڈا نا ایلو آئٹم تیا شرہ دوشنبے نادے آ برجاسلک۔
