اسلام آباد۔ 08 جنوری (اے پی پی) داوخت آ ملک اٹی کورونا نا مثبت کیس آتا کچ 6.35 درسد ءِ، غٹ آن زیات کچ کراچی ٹی 17.6 درسد اوکان پد پشاور اٹی 12.59درسد مسٹ میکو نمبر آ حیدر آباد اٹی 10.95 درسد ءِ۔ نیشنل کمانڈ اینڈ آپریشن سینٹر نا کنڈآن جمعہ نادے آ جاری کروک آ حساب وکتاب نا رداٹ داوخت آ ملک اٹی مثبت کیس آتا کچ 6.35 درسد ءِ غٹ آن زیات کورونا کیس آتا مثبت کچ کراچی ٹی 17.6 درسد، ارٹ میکو نمبر آ پشاور اٹی 12.59درسد اوکان پد حیدر آباد اٹی 10.95درسد ئس۔ مچ آ ملک اٹی 2 ہزار 285 کورونا ناجوڑ آتا حالیت نازرک ءِ و نازرک حالیت والا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا نا مثبت کیس آتا کچ انا لحاظ اٹ آزاد جموں و کشمیر اٹی 6.39 درسد، بلوچستان اٹی 2.80 درسد، گلگت بلتستان اٹی 1.28 درسد، اسلام آباد اٹی 3.45 درسد، خیبرپختونخوا ٹی 5.50 درسد، پنجاب اٹی 4.57درسد و سندھ اٹی 10.15درسد ئس۔ ہنداوڑاٹ صوبہ نا چندی شار تیٹی کورونا کیس آتا مثبت کچ انا لحاظ اٹ پنجاب اٹی لاہور 8.12 درسد، راولپنڈی 3.29درسد، گوجرانوالہ ٹی 2.19 درسد، بہاولپور اٹی 4.47 درسد، فیصل آباد اٹی 4.08 درسد، سندھ انا شار ہرافتے ٹی کراچی 17.6درسد، حیدر آباد 10.95درسد۔ بلوچستان نا شار کوئٹہ ٹی 1.56 درسد تناسب ئس۔ بنجائی دارالحکومت اٹی 3.45 درسد۔ آزاد کشمیر نا شار تیٹی میرپور 6.10 درسد، مظفر آباد 6.35درسد،گلگت بلتستان نا شار گلگت اٹی دا دین انا مثبت تناسب 1.82 درسد ئس۔
