بروک آ 24 گھنٹہ ٹی ملک انا گیشتر علاقہ غاتیٹی موسم یخ و پِرکپننگ نا گمان ءِ، زیارت اٹی درجہ حرارت منفی 14 مس، محکمہ موسمیات

اسلام آباد۔ 08 جنوری (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار پنجاب و ملک انا گیشتر علاقہ غاتیٹی موسم یخ و خشک وخت اس کہ بڑزکو علاقہ و قطبی بلوچستان اٹی بھاز یخ مریک۔ پنجاب نا میدانی علاقہ و بڑزکو سندھ اٹی گوتلو مننگ نا گمان ءِ۔ تدوک آ 24 گھنٹہ ٹی ملک انا گیشتر علاقہ غاتیٹی موسم یخ و خشک وخت اس کہ قطبی بلوچستان و قطبی علاقہ جاٹ اٹی بھاز یخ مس۔ ولے بڑزکو خیبرپختونخوا ٹی گڑاس ہند آتیا پِر مس۔ داوخت آ مالم جبہ و کالام اٹی برف ہم ریکارڈ کننگا۔ غٹ آن زیات پِر خیبرپختونخوا، میر کھانی12، سیدوشریف، مالم جبہ 3، بڑزکو دیر، دروش 2 و بونیر اٹی اسہ ملی میٹر پِر ریکارڈ کننگا وخت اس کہ مالم جبہ و کالام اٹی اسہ انچ برف مس۔ رپورٹ نا رداٹ کم آن کم درجہ حرارت زیات منفی 14، گوپس قلات منفی 13، کوئٹہ منفی 10، استور،بگروٹ منفی 9، مستونگ، پشین منفی 8، اسکردو، پاراچنار منفی 7، لہہ، مالم جبہ،کالام و دالبندین اٹی منفی 6 ڈگری سینٹی گریڈ ریکارڈ کننگا۔