زرکاری بورڈ انا ملک اٹی مسہ سال اٹی 24ارب ڈالر نا براہ راست درملکی زرکاری نا ڈٹ بندی

اسلام آباد۔ 13مارچ (اے پی پی) زرکاری بورڈ بروک آ مسہ سال اٹی ملک اٹی 24ارب ڈالر نا براہ راست درملکی زرکاری (ایف ڈی آئی) نا ڈٹ بندی ئِ کرینے۔ ایف ڈی آئی ٹی ودکی نا ڈٹ انا بنداوی مسخت صنعتی شونداری تون اوار اوار درآمد آتیٹی کیم اٹی نہادی زرمبادلہ نا بچت ہم ارے۔ زرکاری بورڈ انا کمامدارآک پارینو کہ براہ راست درملکی زرکاری ٹی ودکی کن ملک انا ہر چار آ صوبہ غاتون اوار ایلو مخصوص علاقہ غاتیٹی 9خصوصی اقتصادی زون اڈتننگ انگ ئِ ہراڑے درملکی زرکار آتے پرکشش آسراتی نا پیش کش کننگانے۔ اوپارے کہ پاکستان ہر سال صارف مصنوعات آتا درآمد آ ارب آ ڈالر خڑچ کیک پوسکن آ اقتصادی زون نا اڈتننگ و ایف ڈی آئی ٹی ودکی آن صارف مصنوعات آتا درآمد آتیٹی کمتی آن نہادی زرمبادلہ نا بچت اتون اوار اوار قومی معیشت نا شونداری آ خوشگوار زئم تمک۔