اسلام آباد۔7جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءَ مدام گریب ءُ بزگریں مردم آنی واستہ گامگیج چست کت، احساس پروگرام ، لنگر خانہ ، پناہ گاہ ءُ کامیات ورنا پروگرام ایشی سہرائیں درور انت، اھوالتاک بھا کنوک سکیں سردیں موسم ءَ ھم اھوالتاک آناں گس گس آں تاں رسیناں، گوستگیں وھد ءَ جوانی ءَ گوں بھر ءُ بانگ نہ بوتگ ایوک ءَ یک ھاسیں تبکے ءِ مردم آناں داد دیگ بوتگ۔ آ پنچ شمبے ءِ روچ ءَ پی آئی ڈی ءَ اھوالتاک بھا کنوک آنی واستہ پیکیج ءِ جار جنگ ءِ مراگش ءَ گوں گشتانک دیگ ءَ ات۔ بنجاھی سیکرٹری اھوالکاری ءُ شنگ کاری زاہدہ پروین ‘ ایم ڈی پاکستان بیت المال عون عباس بپی ‘ ٹکا خان ءَ ابید جاڑیں شہر آنی اھوالتاک بھا کنوک آنی مزنیں کساسے مردم شریک اتنت۔ آل پاکستان اھوالتاک بھا کنوک آنی یونین ءِ ٹکا خان ءَ بنجاھی وزیر اھوالکاری ءُ شنگ کاری سینیٹر شبلی فراز، سیکرٹری اھوالکاری ءُ شنگ کاری ءُ ایم ڈی بیت المال ءِ اھوالتاک بھا کنوک آنی واستہ پیکج ءِ جار جنگ ءِ پد ءَ شگر ءُ منت گپت۔
