اسلام آباد۔7جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءِ ویژن ءِ رد ءَ اولی رند ءَ “سینٹر لائزڈ ڈیٹا کولیکشن” ءِ سر ءَ کار کنگ بوتگ، پاکستان ءِ الس آناں ریلیف ءِ پجاری، پاکستان تحریک انصاف ءِ حکومت ءَ را اولی کار انت۔ ” راستی آنی رد ءَ ڈیٹا ھمک شوبگ ءِ ھوالگ ءَ پیسلہ جوڑیشت کنگ ءَ کمک کار سہرا بنت، آ پنچ شمبے ءِ روچ ءَ ادارگ برائے شماریات پاکستان ءِ تر ءُ تاب ءِ موہ ءَ بریفنگ دیان ءَ ھیال آنی درشانی ءَ کت۔ بنجاھی وزیر ءَ شماریات ڈویژن ءِ کارندہ آنی نیمگ ءَ چہ ھمروچگیں وردنی سامان آنی نیاد آنی جھل ءُ بُرزی ءِ ھوالگ ءَ بریفنگ دات۔ بنجاھی وزیر سینیٹر شبلی فراز ءَ گوشت کہ ھمک وزارت ءِ وتی ڈیٹا یکجا کنگ ءِ نظام بہ بیت، سینٹر لائزڈ ڈیٹا ءِ گوما یکجا بہ بیت، مھکمیں ڈیٹا ءَ گوں ھمروچگیں سامان آنی لوٹ، رسگ، پیداوار، امبارر، درآمدی چیز ءُ برآمدی چیز آںی سیم سر آنی زانت ءُ سرپدی بوت بہ کنت۔ آئی ءَ گوشت کہ بار کوڈنگ ءَ چہ سمگلنگ ءِ گر ءُ دار ءَ کمک رس ایت۔
