اسلام آباد۔ 07 جنوری (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار پنجاب و ملک انا گیشتر علاقہ غاتیٹی موسم یخ و پِرکپک وخت اس کہ بڑزکو علاقہ و قطبی بلوچستان اٹی بھاز یخ مریک۔ پنجاب نا میدانی علاقہ و بڑزکو سندھ اٹی گوتلو مننگ نا گمان ءِ وخت اس کہ بڑزکو خیبرپختونخوا،گلگت بلتستان و کشمیر اٹی پِر و مش تیا برف انا گمان ءِ۔ تدوک آ 24 گھنٹہ ٹی پنجاب، گلگت بلتستان و کشمیر اٹی ہورہ و گروک اٹ پِر و مش تیا برف مس۔ ملک انا ایلو علاقہ غاتیٹی موسم یخ و پِرکتو وخت اس کہ قطبی بلوچستان و قطبی علاقہ غاتیٹی بھاز یخ مس۔ حوال نا رداٹ غٹ آن زیات پِر، گلگت بلتستان، چلاس 6 و اسکردو ٹی 3 ملی میٹر پِرریکارڈ کننگا۔ کم آن کم درجہ حرارت، لہہ منفی 11، گوپس، قلات منفی 10، استور، کالام، کوئٹہ منفی 9، بگروٹ منفی 8، اسکردو، پاراچنارمنفی 7،ہنزہ و مالم جبہ ٹی منفی 5 ڈگری سینٹی گریڈ ریکارڈ کننگا۔
