24 گھنٹہ ٹی کورونا دین انا 2482کیس، 50 مرک رپورٹ، غٹ آن زیات مرک پنجاب اٹی ریکارڈ کننگا، نیشنل کمانڈ اینڈ آپریشن سینٹر

اسلام آباد۔ 07 جنوری (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب اٹی غٹ آن زیات مرک ریکارڈ کننگا اوکان پد زیات مرک سندھ اٹی مس۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 50 مرک مس ہرافتیان 27 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 2 ہزار 482بندغ آتا کوویڈ۔ 19 ٹیسٹ مثبت بس و 50 بندغ دا دین آن زوال کریر ہرافتیان 45 بندغ ہسپتال آتیٹی وخت اس کہ 5 بندغ اُراتیٹی قرنطینہ ٹی زوال کریر۔ ملک انا 4 بھلا شار تیٹی وینٹی لیٹر تیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 45 درسد، اسلام آباد اٹی 30 درسد، لاہور اٹی 37 درسد و بہاولپور اٹی 41 درسد ناجوڑ ءُ۔ ہنداوڑاٹ ملک انا 4 بھلا شار تیٹی آکسیجن نا آسراتی والا کٹ آتیا اسلام آباد اٹی 30 درسد، ملتان اٹی 33 درسد، کراچی ٹی 34 درسد وپشاور اٹی 54 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 40 ہزار 509 ٹیسٹ کننگا ہرافتیان سندھ اٹی 13 ہزار 699، پنجاب اٹی 15 ہزار 562، خیبرپختونخوا ٹی 4 ہزار 798، اسلام آباد اٹی 5 ہزار 167، بلوچستان اٹی 599، گلگت بلتستان اٹی 413، آزاد کشمیر اٹی 271ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 4 لکھ 50 ہزار 515 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 315 ناجوڑ ءُ۔ مچ آ ملک اٹی کوویڈ۔ 19 نا ایکٹو کیس آتا کچ 34 ہزار 49 ءِ۔ مچ آ ملک اٹی کورونا دین آن زہمی بندغ آتا کچ 4 لکھ 95 ہزار 75 ءِ ہرافتیان آزاد کشمیر اٹی 8 ہزار 416، بلوچستان اٹی 18 ہزار 300، گلگت بلتستان اٹی 4 ہزار 874، اسلام آباد اٹی 38 ہزار 687، خیبرپختونخواٹی 60 ہزار 229، پنجاب اٹی 1 لکھ 42 ہزار 835و سندھ اٹی 2 لکھ 21 ہزار 734 ناجوڑ ءُ۔ مچ آ ملک اٹی کوویڈ۔ 19آن زوال کروک آتا کچ 10 ہزار 511 ءِ ہرافتیان سندھ اٹی 3 ہزار 653مرک وخت اس کہ تدوک آ بیست ءُ چار گھنٹہ ٹی 16 ناجوڑ ہسپتال آتیٹی وخت اس کہ 3 ناجوڑ اُراٹی قرنطینہ ٹی دادین آن زوال کریر، پنجاب اٹی 4 ہزار 203مرک وخت اس کہ تدوک آ بیست ءُ چار گھنٹہ ٹی 17 ناجوڑ ہسپتال آتیٹی وخت اس کہ 2 ناجوڑ اُراتیٹی قرنطینہ ٹی دا دین آن زوال کریر، خیبر پختونخوا ٹی 1 ہزار 702 وخت اس کہ تدوک آ بیست ءُ چار گھنٹہ ٹی 7 ناجوڑ ہسپتال آتیٹی دا دین آن زوال کریر، اسلام آباد اٹی کل 434مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتیٹی دا دین آن زوال کریر، بلوچستان اٹی 186مرک، گلگت بلتستان اٹی 101مرک، آزاد کشمیر اٹی دا دین آن 232مرک وخت اس کہ تدوک آ بیست ءُ چار گھنٹہ ٹی 3 بندغ ہسپتال آتیٹی دا دین آن زوال کریر۔ داتم اسکان مچ آ ملک اٹی کوویڈ۔ 19 نا 69لکھ 64 ہزار 337 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 626ہسپتال آتیٹی 2 ہزار 771 ناجوڑ درمان مننگ ءُ۔